Xoves 28 Marzo 2024

Doce empresas seleccionadas para os Premios Galicia Spin-Off

Unha ducia de empresas pertencentes a diversos sectores produtivos foron preseleccionadas para participar na elección final de gañadores dos Premios Galicia Spin-Off, organizados por Pastor e o portal Gciencia, que distingue ás mellores iniciativas empresariais xurdidas nos grupos de traballo das universidades galegas. O xurado comezou as súas deliberacións para conceder os galardóns que se coñecerán nas próximas semanas.
As dúas categorías do Premio (Idea Emerxente e Selo de Calidade) recoñecen, respectivamente, a unha spin-off que irrompese nos últimos dous anos cunha idea innovadora e a unha empresa sobranceira pola súa traxectoria de prestixio ao longo dos últimos anos. No apartado Idea Emerxente haberá ademais dous finalistas que, como acontecerá co gañador, terán unha oferta especial para financiar o seu proxecto innovador por parte de Pastor.

Spin-off de sectores diversos concurren ás categorías de Idea Emerxente e Selo de Calidade

Entre as empresas aspirantes aos premios atópanse spin-offs dedicadas á creación de software innovador, outras que innovan cos seus produtos no sector sanitario, empresas punteiras do sector agro-alimentario e compañías que investigan novos produtos procedentes do medio mariño. A elevada calidade das propostas presentadas fará complicada o labor do xurado, que comunicará a súa decisión ao longo do mes de novembro.
O xurado está composto por membros de Pastor, do Consello Superior de Investigacións Científicas (CSIC), da Real Academia Galega dás Ciencias (RACGC), da Secretaría Xeral de Universidades (Xunta de Galicia) e do portal Gciencia, que se completa co investigador Antonio Figueras, ex vicepresidente do CSIC e director do Instituto de Investigacións Mariñas de Vigo. O acto de entrega de premios celebrarase antes de final de ano nunha cidade a designar.

Publicidade

O xurado integra CSIC, Academia de Ciencias, Secretaría de Universidades, Pastor e GCiencia

En Galicia, o Grupo Banco Popular conta con 260 oficinas e un total de 757.000 clientes, dos que 142.000 son pemes, autónomos e comercios. Mediante Pastor, Galicia é o principal mercado do banco, onde conta coa maior cota de todo o territorio nacional, tanto en créditos como en depósitos. Pastor apoia aos emprendedores e aos empresarios galegos e proba diso é que tras a integración no Grupo Banco Popular, sumaba algo máis do 18% de cota de mercado en créditos e actualmente a súa cota é xa do 22,6%. En definitiva, trátase de apostar por Galicia e de materializar o seu compromiso a longo prazo coas súas familias, empresas, autónomos e comercios.
GCiencia é o portal da Ciencia en Galicia, unha publicación de Ciencia Galega Industrias Creativas S. L. que se converteu nun medio de comunicación de referencia a través das súas reportaxes, entrevistas, audiovisuais, informacións e contidos multimedia, moitos deles trilingües. Ao longo de dous anos de existencia, GCiencia suma máis de dous millóns de visitas, cun constante crecemento en audiencia. GCiencia foi seleccionada pola Fundación Española para a Ciencia e a Tecnoloxía (FECYT), do Ministerio de Economía e Competitividade, para o seu programa de Fomento da Cultura Científica, Tecnolóxica e da Innovación, converténdose así nun dos catro medios de comunicación de España que forman parte do proxecto.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un traballo da UDC sobre investigación básica en epilepsia gaña o Epiforward 2024

O equipo conseguiu reducir a actividade cerebral grazas á aplicación de campos magnéticos en áreas concretas do cerebro

Gciencia celebra o Día da Lingua Materna cun relatorio sobre a divulgación en galego

A xornalista Laura Filloy abordou a importancia de trasladar o coñecemento científico á sociedade nun acto celebrado no Campus de Lugo da USC

Científicos galegos participan no primeiro mapa español de bacterias resistentes aos antibióticos

A base de datos en liña proporciona o perfil xenómico de 461 cepas, procedentes de 41 hospitais situados en 13 rexións de España

Desmontando Mitos en catro minutos, o novo pódcast da colaboración de Gciencia coa Fecyt

O xornal da ciencia estrea este sábado a cuarta temporada da serie creada para combater falsas crenzas