Xoves 28 Marzo 2024

O cultivo comercial do polbo común, cada vez máis preto

O polbo común (Octopus vulgaris) é unha especie clave para Galicia, cunha gran importancia gastronómica e económica. Amais, é unha especie cada vez máis demandada en todo o mundo debido á súa riqueza como fonte de proteína, polo que as súas capturas aumentaron de forma significativa nos últimos anos. Grazas ás súas elevadas taxas de crecemento e o curto ciclo de vida, é un candidato ideal para o cultivo comercial. Así, investigadores de todo o mundo amosaron o seu interese en atopar o xeito de domesticar tanto o Vulgaris como outras especies deste cefalópodo para crialas en catividade.

O polbo é cada vez máis demandado no mundo debido ás súas propiedades nutritivas

Porén, as súas necesidades alimentarias durante as primeiras fases do desenvolvemento son difíciles de obter, e a ciencia aínda non conseguiu formular unha dieta axeitada. Ata o de agora, o máis que se conseguiu foi a comercialización de exemplares engordados tras ser capturados no mar, como o Vulgaris en Galicia ou o polbo vermello (Octopus maya) en México, e outras especies en países de Asia. Non en tanto, hai moito camiño por andar para acadar o cultivo integral destas especies.

Publicidade

No marco do proxecto Octowelf, coordinado polo IEO e o CSIC, investigadores do Centro Oceanográfico de Vigo e da Universidade de Vigo acadaron importantes avances na mellora das condicións de cultivo, alimentación e nutrición das paralarvas. Tamén participan na iniciativa as universidades de Granada e La Laguna.

Aínda que polo de agora non é posible pechar o ciclo en catividade para a comercialización do polbo común, estes ensaios conseguiron porcentaxes de supervivencia superiores aos obtidos en estudos previos mediante novas técnicas de cultivo e alimentación. Conseguiuse tamén un crecemento notable destas larvas, o que permitiu que estas inicien a fase de asentamento, proceso que ten lugar cando a paralarva deixa a vida plantónica (na que nada ceibe) e entra na fase bentónica (vivindo no fondo mariño), o lugar no que desenvolven a fase xuvenil e adulta.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Crean en Vigo un mapa de biodiversidade costeira a partir de 11.000 chíos

A análise da información recompilada na rede X permite, cun baixo custo, complementar os programas existentes de vixilancia

Cal é o alimento que desencadea o pracer nos peixes?

Coñecer os mecanismos de motivación pola comida podería mellorar a eficiencia económica das empresas dedicadas á acuicultura

h

Un equipo galego revisa a literatura científica sobre estes eventos dende comezos do século XX ata a data

O CIM participa na creación dunha rede europea de infraestruturas de investigación

O obxectivo é mellorar os servizos en acuicultura, pesca e economía azul das institucións que forman o consorcio