Xoves 28 Marzo 2024

Compostela acolle un congreso sobre astronomía e cultura do 18 ao 22 de setembro

Santiago de Compostela acollerá do 18 ao 22 de setembro o congreso internacional “Road to the stars” (Camiño ás estrelas, no que participarán un cento de investigadores sobre astronomía na cultura. Nestas xornadas, debatirase sobre a visión do ceo nas distintas culturas e sociedades desde a Prehistoria á actualidade.
O congreso está promovido polo CSIC, a través do Instituto de Ciencias do Patrimonio, pola Universidade de Santiago de Compostela a través do departamento de Historia, e polo Instituto de Astrofísica de Canarias. Conta coa colaboración e o patrocinio da Sociedade Europea de Astronomía na Cultura, a Sociedade Internacional de Arqueoastronomía e Astronomía na Cultura e as reunións “Inspiration of Astronomical Phaenomena”.

Por unha banda, as actividades desenvolveranse a través de conferencias impartidas, entre outros, por Juan Antonio Belmonte (IAC), Clive Ruggles (Universidade de Leicester, Reino Unido), Giulio Magli (Politécnico de Milán, Italia) e Stephen McCluskey (Universidade de Virginia Occidental, EE.UU) e coa presentación de preto de 120 comunicacións orais e pósteres sobre resultados de investigacións acerca da temática: desde a astronomía megalítica á influencia do ceo na arte contemporánea, pasando por Exipto, Mesopotamia, os Incas, a illa de Pascua ou o ceo ao redor da Catedral de Santiago. Estas sesións, que terán lugar no Centro de Estudos Avanzados, divídense en número de bloques temáticos: Paisaxe e ceo, Astronomías antigas, Antropoloxía do ceo, De Roma a Santiago, Educación e patrimonio, A inspiración do ceo e Métodos.

Publicidade

Por outra banda, a organización preparou un programa lúdico con actividades abertas ao público xeral que inclúe a inauguración da exposición “Road to the Stars” no claustro de Fonseca, unha sesión das denominadas Nerd Nite e unha observación astronómica na Cidade da Cultura.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un equipo do CSIC logra controlar unha doenza causante da extinción dos anfibios

Os investigadores aplicaron un funxicida agrario sen observar trazas do produto nin efectos significativos na química e bioloxía da auga

Zendal lanza a primeira vacina de tecnoloxía ADN contra a leishmaniose canina

‘Neoleish’ reduce a presenza do parasito en máis dun 90% e mellora os signos clínicos da doenza

Un composto natural reduce o impacto da seca e mellora a produtividade do tomate

Un equipo do CSIC e da UPV descobre como actúa o butanoato de hexenilo, un aroma que emiten estas plantas para resistir ás bacterias

Como usar datos históricos para a conservación de especies: así é a nova metoloxía con pegada galega

A UVigo e o CSIC proban un método en escaravellos coprófagos ibéricos que permite comprender a súa resposta a cambios ambientais