O Aquarium Finisterrae abre un novo prazo para participar nunha actividade de fin de semana dedicada a nenas e nenos maiores de 7 anos, que deberán ir acompañadas dun adulto. “Aventura coas focas”, unha experiencia na que se poderá participar nas tarefas de preparación da comida das focas e na súa alimentación, terá lugar os sábados e domingos ás 11 horas, e para a que se ofertan 180 prazas distribuídas en 18 datas de abril, maio e xuño.
Este venres venres 22 de marzo ábrese a preinscrición a través dun formulario electrónico que estará dispoñible entre as 10 e as 13 horas.
“Aventura coas focas” celebrarase os días 6, 7, 13, 14, 27 e 28 de abril; 5, 11, 12, 19, 25 y 26 de maio; e 1, 2, 8, 9, 15 e 16 de xuño.
A ter en conta
Os adultos deberán inscribirse tamén na actividade, e é posible preinscribir ata 3 persoas por solicitude.
É posible escoller a opción “seleccionar calquera data” ou elixir ata cinco datas concretas.
Despois de recibir a confirmación de contar con praza (a través do correo electrónico proporcionado na reserva) é necesario abonar o prezo de entrada ao Aquarium Finisterrae (gratis para titulares de Tarxeta 20 e membros da Asociación de Amigos da Casa das Ciencias) e acreditar a idade dos menores.
Todos os datos achegados ao formulario deben ser certos, en caso contrario a solicitude quedará anulada.
Só se contactará por correo electrónico cos que obteñan praza, o resto de solicitudes pasará a formar parte da lista de agarda.
¿E non se poden inscribir adultos? A miña parella está tola por darlle de comer ás focas… Jajajajajaja