Venres 29 Marzo 2024

Os chimpos dos arroaces entre bateas

O BDRI do Grove recolle o momento do salto de dous exemplares de "Tursiops truncatus" entre as plataformas de cultivo da Ría de Arousa

O equipo do BDRI (Instituto para a investigación dos arroaces, polas súas siglas en inglés) do Grove rexistrou unha fermosa escena durante as súas xornadas de traballo nos días pasados, aproveitando a situación anticiclónica. Dous arroaces (Tursiops truncatus) saltando no medio dun polígono de bateas preto da costa do Grove.

“Os dous golfiños implicados, un macho e unha hembra, estaban socializando cando foron gravados polo noso equipo. A poderosa musculatura do pedúnculo caudal dos arroaces permítelles realizar estes saltos”, explican desde o BDRI.

Publicidade

Nestes días, o BDRI levou a cabo unhas xornadas de traballo de campo para coñecer mellor a situación dos arroaces en Arousa e, ao tempo, colaborar na supervivencia da pesca artesanal. É o obxectivo dun novo proxecto de investigación iniciado polo instituto e parte dos traballos de final de máster de estudantes de varias universidades europeas.

“A interacción entre golfiños e pesca nas nosas augas aguas é posiblemente tan antiga como o uso das redes para pescar polo que é fundamental obter datos científicos e obxectivos para coñecer esta realidade”, explican desde o BDRI.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A rede ambiental máis grande do mundo declara as rías galegas como área importante de mamíferos mariños

A IUCN destaca o valor da poboación dos cetáceos que viven nas costas de Galicia, especialmente dos golfiños

En que zonas das Rías Baixas hai plásticos flotantes? Este mapa ten a resposta

Un equipo do Grove leva dende 2016 realizando mostraxes na ría de Arousa e nas súas augas circundantes para estudar o lixo mariño en superficie

Queres adoptar un golfiño da ría de Arousa? Así podes facelo

O Bottlenose Dolphin Research Institute BDRI, con sede no Grove, ofrece a posibilidade de apadriñar un exemplar dos 40 que están estudando

As candorcas volverán esta semana a Galicia

Os expertos confirman o avistamento de 'Orcinus orca' á altura de Braga, polo que se prevé a súa entrada nas Rías Baixas nos próximos días