Venres 29 Marzo 2024

Unha galega demostra a relación entre a diversidade do Amazonas e o cambio climático

Un grupo internacional de investigadores, entre os que estaba a científica galega Mar Sobral, identificou e estudou no Amazonas máis de 218.000 mamíferos, 46.000 árbores, ademais de 43.000 interaccións entre especies e un millón de restos orgánicos. Con esta información, descubriron a forte interacción entre a diversidade de mamíferos e o carbono presente no solo e na masa vexetal.

É unha “información crítica para fomentar a cooperación entre a actividade humana e servizos xerados pola natureza, tan trascendentais como a mitigación do cambio climático“, explica Mar Sobral. A científica acaba de publicar na revista Nature Ecology and Evolution, do grupo Nature, os resultados da investigación.

Publicidade

Mammal diversity influences the carbon cycle through trophic interactions in the Amazon from Divulgare on Vimeo.

“O carbono distribúese no planeta circulando entre a atmosfera, os organismos e a terra”, sinala Sobral. Neste proceso “os bosques tropicais son fundamentais xa que as súas árbores capturan o carbono regulando o clima”. Completando o conxunto de variables, “moitos outros organismos, ademais das plantas, forman un bosque”, de aí que os investigadores reunidos neste novo artigo se interrogaran sobre se “a diversidade de mamíferos tamén afecta ao ciclo de carbono no Amazonas”.

Os asinantes do traballo, entre os que tamén se atopan científicos universidade de Stanford, de Virginia Tech, a universidade Estatal de New York, o Museo Nacional UFRJ de Rio de Xaneiro, a Carnegie Institution for Science e a California Academy of Sciences, recorreron a indíxenas da Guaiana, que realizaron censos durante tres anos.

Así, detectouse unha relación entre a diversidade de mamíferos e o carbono, tendo en conta numerosos factores, como a abundancia de animais e plantas, diversidade de árbores, localización xeográfica, precipitacións, temperatura e perturbación humana.

Mar Sobral formouse no grupo de Ecoloxía Evolutiva de Plantas, liderado por Javier Guitián, e actualmente traballa no CNRS de Montpellier despois dunha etapa posdoutoral en Stanford. Como parte desta investigación, colaborou con Luis Navarro, do equipo de Divulgare de UVigo na produción dunha curtametraxe de animación que difunde os resultados da investigación e que contou con financiamento de Fundación Iberdrola España.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A praia de Barra agocha unha aldea soterrada: un cambio climático invadiu todo de area hai 500 anos

Unha investigación publicada por Andrés Pino analiza o impacto social e económico da Pequena Idade do Xeo no asentamento de Cangas

Galicia rexistra o cuarto inverno máis cálido en 60 anos

As precipitacións foron un 18% superiores ao habitual para este período, sendo especialmente abondosas en febreiro

Os osos polares, en risco de morrer de fame polo desxeo do Ártico

Un estudo demostra que as estratexias alimenticias destes animais para sobrevivir nunha contorna de terra non evitan que perdan peso

Intelixencia artificial ante o cambio climático: ameaza ou aliada?

Os algoritmos que fan a vida máis sinxela teñen unha gran pegada de carbono. Esta tecnoloxía tamén axuda a resolver problemas ambientais