Martes 19 Marzo 2024

Xa podes ver 35 anos de cambios en Galicia co Timelapse de Google

A compañía actualiza o seu servizo de Google Earth e incorpora novas imaxes de satélite ata conformar 35 anos de historia

Como medran as cidades, cambian os portos ou aparecen estruturas como a Cidade da Cultura de Santiago ou o porto exterior de Punta Langosteira. Galicia aparece ante os nosos ollos con imaxes de satélite dende 1984 ata a actualidade grazas a Google Earth Engine e o seu visor Timelapse. O mapa de Galicia permite unha viaxe no tempo a través de 35 anos de historia que aparece reflectida en estradas, edificios, portos, obras públicas… que van mudando a xeografía do país.

A nova aplicación de Google é ademais utilizable para calquera localización xeográfica, mesmo a calquera vila ou aldea. Podes ir ano a ano ou ver un vídeo formado polas novas obras que van superpoñéndose na paisaxe.

Publicidade

É posible moverse polo mapa ou escribir unha localización no seu buscador para experimentar co timelapse de 35 anos. E Google vén de actualizalo engandindo dous anos máis de historia e facendo a súa interface operativa para teléfonos intelixentes e tabletas.

Google sinala respecto diso que isto é agora posible grazas a que navegadores web como Chrome e Firefox restableceron a reprodución automática de vídeos, aínda que co son desactivado, sendo unha característica necesaria para que esta ferramenta poida funcionar.

Google tamén ofreceu unha serie de datos. Como que combinou máis de 15 millóns de imaxes satelitais, chegadas dos programas Landsat USGS/NASA dos Estados Unidos e Sentinel de Europa, para crear 35 imaxes globais libres de nubes que conforman a nova ferramenta. Así que xa podes viaxar no tempo para ver como evolucionou a paisaxe de Galicia dende 1984,

Para acceder ao Google Earthe Engine no seu visor Timelapse só tes que ir a esta ligazón e buscar a localización xeográfica que elixas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

▪️ Galicia vivirá unha primavera “máis cálida do normal”

Segundo a AEMET, as temperaturas invernais estiveron 1,8 graos por enriba da media habitual para esta época do ano

▪️ As medusas chegan para quedar: “Cada vez haberá máis en Galicia”

Nos últimos días apareceron varios exemplares que puideron ser arrastrados polo temporal marítimo

Unha masa de aire subtropical elevará os termómetros en Galicia ata os 21 graos. Canto vai durar?

A partir do xoves agárdase a entrada de novas borrascas atlánticas que deixarán precipitacións no oeste da comunidade

Un asteroide troiano de Xúpiter pasará polo ceo de Galicia

En Santiago de Compostela hai un 34 % de probabilidade de observar a ocultación dunha estrela