Xoves 28 Marzo 2024

O Instituto de Altas Enerxías convoca as súas bolsas de verán

O único centro galego distinguido como Unidade de Excelencia María de Maeztu ofrece 10 prazas para investigar nos vindeiros meses

O Instituto Galego de Física de Altas Enerxías (IGFAE), centro da USC e da Xunta recoñecido como Unidade de Excelencia María de Maeztu, lanza a primeira edición do seu programa de bolsas de verán de inicio á investigación, ofrecendo 10 axudas dirixidas a estudantes de grao que desexen ter a súa primeira experiencia investigadora.

As persoas beneficiarias realizarán prácticas formativas extracurriculares e terán asignado un proxecto de investigación nunha das áreas de investigación do Instituto Galego de Física de Altas Enerxías baixo a supervisión dun investigador ou investigadora principal. Ademais, durante a súa estancia poderán participar nas súas actividades científicas e formativas.

Publicidade

As bolsas están dotadas con 750 euros máis unha axuda de desprazamento cun importe máximo de 500 euros para estudantes de fóra de Galicia e ata 80 euros para estudantes residentes na comunidade galega. As bolsas terán unha duración dun mes e desenvolveranse durante os meses de xullo, agosto ou setembro.

Requisitos

– Cursar estudos correspondentes ao último ou penúltimo curso de calquera titulacións no Espazo Europeo de Educación Superior ou en calquera sistema universitario. Resérvanse 8 bolsas para estudantes dos graos en Física, Matemáticas, dobre grao Matemáticas-Física, enxeñerías ou titulacións equivalentes.

– Ter superados o 55% dos créditos da titulación.

– Ter unha nota media do seu expediente académico igual ou superior a 8 puntos sobre base 10.

Solicitudes

A presentación de solicitudes farase a través da Sede electrónica da Universidade de Santiago de Compostela, utilizando o formulario de solicitude dispoñible no seguinte enderezo dirixido ao Servizo de Convocatorias e Recursos Humanos de I+D ou por calquera dos medios establecidos no artigo 16 da Lei 39/2015 do 1 de outubro, do procedemento administrativo común das administracións públicas, achegando a seguinte documentación:

–  Copia da certificación ou expediente académico do grao ou título equivalente no que consten as cualificacións obtidas e con expresión da nota media en base 10 obtida nos estudos oficiais que estea a cursar ou cursase a persoa solicitante. No suposto de realizar estudos no estranxeiro nun idioma diferente ao inglés, dita certificación deberá presentarse coa tradución oficial ao español ou galego.

– Copia do xustificante de matrícula correspondente ao curso 2018/2019 ou documento acreditativo expedido pola universidade correspondente.

– Curriculum vitae da persoa solicitante.

– Carta de motivación coa expresión do interese na obtención da bolsa. Coa presentación da solicitude as persoas solicitantes asinarán unha declaración responsable manifestando que a documentación achegada e a información declarada é veraz e comprometéndose a presentar a documentación orixinal no caso de que lles fose requirida en calquera momento do proceso de selección ou durante o goce da bolsa.

O prazo de presentación de solicitudes finalizará o 14 de xuño de 2019.

Avaliación

A ordenación das solicitudes farase de acordo cos seguintes criterios, sobre unha puntuación máxima de 10 puntos.

– Expediente académico da persoa solicitante, que suporá o 70% da valoración obtida.
– Currículo vitae presentando, no que se terán en conta as publicacións, premios e a formación relacionada co obxecto das bolsas, entre outros aspectos. Este apartado supoñerá o 20% da valoración obtida.

– Expresión de interese das persoas aspirantes formulada na carta de presentación, que supoñerá o 10% da valoración obtida.

Máis información nas bases reguladoras ou enviando un correo a communication@igfae.usc.es indicando no asunto “Bolsas de verán“.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As plantas non nativas aceleran a desaparición dos ameneiros galegos

As árbores centroeuropeas que se importan para restaurar as plantacións afectadas por unha doenza fúnxica producen uniformidade xenética

Un novo método da USC axudará a combater o furtivismo marisqueiro en Galicia

Tres investigadores estiman que entre 2012 e 2020 máis de 1.700 persoas extraeron de forma ilegal 660 toneladas de marisco

Investigadoras galegas constatan que as mulleres autistas camuflan máis os seus síntomas

O enmascaramento provoca retrasos no diagnóstico e problemas de saúde mental derivados da presión social

Un equipo galego sinala os lípidos en sangue como biomarcadores de covid persistente

Investigadores do CiQUS ofrece unha nova perspectiva sobre a natureza desta enfermidade e abre a porta a diagnósticos e tratamentos máis específicos