A Facultade de Ciencias Económicas e Empresariais da Universidade de Vigo acollerá os vindeiros días 22 e 23 de marzo a quinta edición do Encontro Internacional de Xoves Emprendedores (EIXE). O evento, organizado polas tres galegas e o Instituto Politécnico de Viana do Castelo e a Universidade Católica Portuguesa, está dirixido principalmente a estudantes e graduados destas institucións que queiran apostar por novas ideas de negocio.
No marco do encontro celebrarase, como en anos anteriores, os participantes presentarán os seus proxectos empresariais dentro dun contexto de colaboración internacional. Un xurado seleccionará as ideas finalistas e, posteriormente, o gañador.
Alén deste certame, celebraranse charlas e mesas redondas sobre aspectos relevantes da innovación e o emprendedurismo na eurorexión, nas que intervirán poñentes relevantes dentro deste ámbito, así como representantes de institucións e organismos vinculados ao desenvolvenento empresarial.
Os interesados en participar poden inscribirse a través do formulario de inscrición nesta ligazón.