Martes 19 Marzo 2024

Saúde bucodental e prevención contra o coronavirus

Un audiovisual realizado pola Clínica Pardiñas que nos amosa as medidas a tomar para previr a propagación do SARS-CoV-2

Un audiovisual de animación realizado pola Clínica Pardiñas que nos amosa as medidas a tomar en clínias dentais e outros centros sanitarios para evitar a propagación do coronavirus.

Moitas enfermidades contaxiosas propáganse mediante o contacto directo ou indirecto de persoas. As bacterias e virus como o SARS-CoV-2 ou coronavirus, poden transmitirse transportadas por micropartículas de saliva que expulsamos ao toser, esbirrar, falar ou a través do contacto das nosas mans con distintas superficies.

Publicidade

Estes elementos patóxenos, se non se seguen unha serie de precaucións, poden acceder ao noso corpo a través das nosas vías aéreas ou mucosas, despois de tocar superficies contaminadas ou estando en contacto próximo cunha persoa infectada. “É importante coñecer a historia médica do paciente, para descartar síntomas que poidan indicar unha posible infección”, explican os especialistas da Clínica Médico Dental Pardiñas..

O SARS-CoV-2 é un virus altamente contaxioso que afecta as vías respiratorias, producindo síntomas como febre, tose, disnea, malestar xeneral e, nos casos máis graves, pneumonía, síndrome respiratorio agudo e fallo renal.

Unha vez o virus está dentro do corpo humano, deposita o seu material xenético dentro dos ribosomas das células hóspede.

“Estes ribosomas tratan ao ARN do virus coma se fose propio e actúan como fábricas creando novas proteínas víricas que facilitan a replicación do virus, propagándose así sucesivamente a novas células hóspede”, explica Simón Pardiñas. Se non se toman as medidas de protección necesarias, como son o uso de máscaras co factor de protección axeitado, lentes de protección, gorro e luvas, o profesional sanitario ten un elevado risco de contaxio, ao estar moi próximo ao paciente. Para minimizar e evitar ao máximo un potencial contaxio é importante seguir unha serie de protocolos como son:

  1.  Instruír ao paciente en lavarse as mans con auga e xabón durante polo menos 1 minuto e posteriormente aplicar xel hidroalcólico.
  2.  Manter unha separación de polo menos 1 metro con outros pacientes na sala de espera; evitar o contacto físico.
  3.  Facer enxuague bucal durante 1 minuto con peróxido de hidróxeno ao 1% antes de comezar co tratamento.
  4.  O profesional sanitario deberá utilizar os equipos de protección axeitados; refugar o material non esterilizable unha vez rematado o tratamento; esterilizar todo o material susceptible diso e desinfectar todas as superficies da clínica.

Tamén é importante cambiar de cepillo dental despois de pasar calquer tipo de enfermidade contaxiosa para evitar futuros contaxios, xa que pode ser unha fonte de bacterias e virus importante.

1 comentario

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Por que algúns pacientes teñen covid persistente e outros non? Este estudo dá na clave

Un equipo do Hospital Universitario de Zúrich busca mellorar a atención aos doentes con novas estratexias de tratamento

Ascenden a 57 os falecidos por gripe en Galicia

O último informe do Sergas confirma a tendencia á baixa da incidencia nas catro provincias

Por que aumentan as infeccións respiratorias agudas en España?

Estamos xusto no momento do incremento da curva da gripe que este ano coincidiu co Nadal e o aumento dos contactos sociais

Tes gripe ou covid? Estas son as diferenzas

A inmunóloga África González admite que teñen síntomas moi similares pero que se distinguen polo tempo de incubación e a estacionalidade