Únete á nosa canle de Whatsapp
Un dos últimos estudos da Fundación Clínica Pardiñas en colaboración co INIBIC, a Universidade da Coruña e o Hospital Universitario da Coruña trata de atopar a relación entre a enfermidade periodontal, a saúde bucodental e a saúde do resto do corpo. Desta volta, a fundación busca pacientes que padezan periodontite para participar nun traballo sobre a eficacia de diferentes enxaugues bucais para a súa prevención e, no caso de estaren nun estadío avanzado, o seu tratamento.
Segundo explica o odontólogo que dirixe esta nova investigación, Simón Pardiñas, trataran de buscar o mellor enxaugue bucal en canto a eficiencia para combater e previr esta doenza bastante común na saúde bucodental. Farano logo dunha preselección de tres enxaugues que consideran os máis axeitados. Trataran de establecer cales teñen as mellores capacidades antimicrobianas, antiinflamatorias, etc.
Para iso precisan de trinta participantes voluntarios que teñan unha esta enfermidade ou que estean a comezala. Para iso, farán unha primeira avaliación das persoas que se presenten como candidatas. Nela, tomar mostras de saliva e de alento a través dunha tecnoloxía de cromatografía de gases sulfurosos que soen ser producidos polas bacterias da periodontite.
Durante un mes, os pacientes terán que facer uso dos enxaugues segundo as indicacións do equipo de Pardiñas e, ao final, farán unha segunda avaliación da que concluirán a eficiencia acadada por cada un. No caso de que os pacientes sexan diagnosticados con periodontite, o tratamento que precisen será financiado pola Fundación Clínica Pardiñas. Por suposto, tamén será gratuíta a primeira avaliación e os enxaugues.
Aquí podes atopar á Clínica Pardiñas
- Instagram: https://www.instagram.com/clinicapard…
- Facebook: https://www.facebook.com/clinicapardinas
- Twitter: https://twitter.com/ClinicaPardinas
- Linkedin: https://www.linkedin.com/company/clin…
- Tiktok: https://www.tiktok.com/@clinicapardinas/
- Pinterest: https://www.pinterest.es/clinicapardinas
