Únete á nosa canle de Whatsapp
María Ruiz-Falcó e Cora Diz / Universidade de Vigo
A Agrupación Aeroespacial da Universidade de Vigo, coordinada polo profesor Fernando Aguado, vai formar parte do primeiro programa sobre defensa espacial da ESA: AIDA. Trátase dunha misión conxunta entre NASA e a Axencia Espacial Europea para o desvío dun asteroide mediante o impacto dunha nave construida polo goberno de EEUU.
O obxecto da misión é poñer a proba técnicas de desviación dun asteroide e ao mesmo tempo investigar dito planetoide, para contar con un protocolo de defensa espacial ante posibles casos de impacto no futuro. O corpo escollido para o estudo chámase Didymos e trátase dun asteroide binario cun corpo espacial principal de 1.5 km de diámetro e outro que orbita en torno a él, a modo de lúa, de 10 m de diámetro.
Nesta misión de nivel internacional a Universidade de Vigo traballará no proxecto DustCube. Nel desenvolverá un nanosatélite que se situará a unha distancia de entre dous e catro quilómetros do asteroide Didymos e que se encargará de analizar os fragmentos de po e rochas que se desprendan trala colisión e a composición mineral de ditos fragmentos. O programa AIM ten previsto o lanzamento do satélite en outubro de 2020.
