En primeiro termo, Yago Grela, Íñigo Caínzos e Paula Martínez Graña. Detrás, Manuel Dios, José Alberto Díez de Castro, Miguel Ángel Ríos e Anxo Pérez. Foto: Anxo Iglesias.

En primeiro termo, Yago Grela, Íñigo Caínzos e Paula Martínez Graña. Detrás, Manuel Dios, José Alberto Díez de Castro, Miguel Ángel Ríos e Anxo Pérez. Foto: Anxo Iglesias.

O estudante da USC Íñigo Caínzos recibe o V Premio “Contar a Ciencia-la Caixa”

Os finalistas, Paula Martínez Graña e Yago Grela Ojea, recibiron tamén o seu recoñecemento nun acto celebrado no Pazo de San Roque de Santiago

O Pazo de San Roque de Santiago de Compostela acolleu este xoves o acto de entrega da quinta edición dos premios de comunicación científica universitaria “Contar a Ciencia-la Caixa”, que convoca a Real Academia Galega de Ciencias (RAGC). O estudante de Xornalismo da USC Íñigo Caínzos Achirica (Santiago de Compostela, 1993) foi o gañador grazas á reportaxe Un reloxo para a independencia, na que conta o proxecto de tres estudantes da universidade compostelá que deseñaron un dispositivo intelixente que axuda a persoas maiores cun grao de dependencia leve.

Íñigo Caínzos recibiu o premio (700 euros en metálico e un smartphone IoxPhone P1 de Primux) de mans do presidente da Real Academia Galega de Ciencias, Miguel Ángel Ríos. Na súa intervención, Caínzos agradeceu ás entidades que fan posible o Premio “Contar a Ciencia-la Caixa” por dar a oportunidade aos mozos e mozas estudantes de Comunicación de achegarse á divulgación científica e dar a coñecer os seus traballos ao público.

No acto, conducido polo director de GCiencia, Eduardo Rolland, tamén recibiron o seu recoñecemento o resto de premiados, que recolleron cadanseu diploma. Paula Martínez Graña, tamén estudante de Xornalismo na USC e 2ª clasificada do certame pola súa reportaxe Os fármacos do futuro contra o cancro e a sida fanse en Santiago, recolleu o premio de mans de José Alberto Díez de Castro, Secretario Xeral de Universidades; e Yago Grela Ojea, que obtivo o 3º posto co traballo Unha sociedade descorazonada, recibiu o galardón de Anxo Pérez Romariz, responsable de Comunicación e Relacións Exteriores de Caixabank en Galicia. Ambos foron obsequiados cun equipo de altofalantes portátiles Sk-21 de Primux.

Á entrega do V Premio “Contar a Ciencia-la Caixa”, asistiron representantes do eido académico, cultural e político de Santiago de Compostela e Galicia. O premio, que naceu en 2014, está convocado pola RAGC, conta co patrocinio de Obra Social la Caixa e coa colaboración da Secretaría Xeral de Universidades da Xunta de Galicia e a empresa Primux Tech e está organizado por GCiencia, o portal da ciencia galega.

O obxectivo do certame é dar a coñecer a investigación que se fai nas universidades galegas e, ao tempo, animar aos estudantes de comunicación a achegarse ao mundo da investigación e a divulgación científica para transmitilo á sociedade.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.