Venres 29 Marzo 2024

Detectada en Galicia a praga da couza de Guatemala que ataca á pataca

A globalización segue a espallar polo mundo organismos invasores. Desta volta, chégalle a quenda á pataca, unha planta importada hai séculos dende América. E que, agora, recibe en Galicia a un dos seus parasitos: a couza de Guatemala, un pequeno insecto que estraga o interior do tubérculo. A praga é preocupante, porque xa aparece na Europa continental. E en Galicia vén de atoparse na bisbarra de Ferrolterra, despois de ser localizada hai unha década nas illas Canarias. A Xunta ordeou onte medidas para atallar esta nova praga.
A praga denominada «couza guatemalteca da pataca», provocada polo organismo nocivo denominado Tecia solanivora Povolny, é unha das de maior importancia económica no cultivo da pataca en América Central, de onde é orixinaria, e nos países de América do Sur, nos que se foi introducindo: Venezuela (1983), Colombia (1985) e Ecuador (1996). En Europa este insecto foi observado e identificado nas illas Canarias (1999-2006). A Tecia solanivora Povolny é unha praga incluída na lista A2 da EPPO (European Plant Protection Organization) polo que se considera unha praga de corentena, sometida a regulación e, por tanto, é necesario tomar medidas para a súa erradicación e control.

A Xunta declara corentena e prohíbe comercializar a pataca das zonas afectadas

Os danos son causados pola larva, tanto en campo como en almacén, penetrando no tubérculo para alimentarse facendo galerías, sendo o tubérculo de pataca o único hospedador desta praga. A presenza en Galicia desta polilla limítase polo de agora a tres concellos do norte da Coruña (Ferrol, Narón e Neda). Os produtores desta zona explican que se trata dun insecto que pon os seus ovos na pataca, e son as larvas as que se alimentan do tubérculo, danándoo.
A Xunta adoptou unha serie de medidas urxentes para a súa erradicación e control na Comunidade Autónoma. Así, obriga aos produtores a colocar trampas con feromona sexual para a captura masiva; utilizar sementes certificadas e con garantía sanitaria, é dicir, non reutilizar as sobrantes da tempada que se pechou este verán coa recollida da colleita; e retirar do terreo e destruír todos os tubérculos danados. Tamén aplica medidas para os comercializadores, que deben separar os tubérculos cuxo destino sexa para semente e os de consumo. E prohíbe, entre outras medidas publicadas no D.O.G., a saída destas zonas da pataca producida nestes tres municipios.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A Doñana de Galicia: como os regadíos na Limia secan os ríos dende hai 25 anos

A extracción de augas subterráneas para as plantacións impacta na biodiversidade da comarca, con especies en perigo de extinción

Un equipo da UVigo describe catro novas especies de insectos do Carbonífero Superior

Simplexpaolia prokopi, Hispanopteron romerali, Corydaloides leonensis e Mischoptera bergidensis, son as catro novas...

Unha tese da UVigo aborda por primeira vez as interaccións planta-insecto no Xurásico Medio ibérico

O científico Artai Santos, nun traballo dirixido por Bienvenido Díez, estudo o rexistro fósil dunha illa de orixe volcánica entre Teruel e Valencia

Unha cochinilla, aliada para combater a invasora unlla de gato?

Investigadores da UVigo demostran que a combinación da "Pulvinariella mesembryanthemi" co control mecánico acelera a descomposición nesta planta