Xoves 28 Marzo 2024

A provincia de Ourense foi a que máis ardeu de España en 2016

O 2016 foi, de novo, un mal ano para Galicia no referente aos incendios forestais. O informe anual que publica o Ministerio de Agricultura, Pesca, Alimentación e Medio Ambiente expón que no noso país arderon 21.112,19 hectáreas durante o pasado ano, máis dun terzo da superficie queimada no conxunto do territorio estatal (59.378,61). Foi, por tanto, a rexión do Estado máis afectada polos incendios. Amais, Ourense foi a provincia de España que máis ardeu, con 11.355,24 ha. De feito, só nesta provincia ardeu máis que en calquera outra comunidade autónoma. Na segunda rexión máis afectada polos lumes, Castela e León, queimáronse 9.062,20 ha.

Ourense ardeu máis que calquera outra comunidade autónoma no seu conxunto

O resto das provincias galegas sitúanse a bastante distancia de Ourense. Con todo, Pontevedra é a terceira máis afectada de toda España, con 4.961,60 hectáreas, só por detrás de León e a súa veciña ourensá. Na Coruña queimáronse 3.900,87 ha e en Lugo, a menos danada polo lume, arderon 894,48.

Publicidade

Das 21.112,19 hectáreas queimadas en Galicia, máis da metade arderon nos oito Grandes Incendios Forestais (tal e como son denominados os lumes que arrasan máis de 500 hectáreas). Oito dos 21 lumes de grandes dimensións acontecidos en toda España foron no noso país.

Grandes incendios forestais en 2016:

  • Santiago de Compostela (10 de agosto) 825,18 hectáreas.
  • Caamaño-Porto do Son (10 de agosto) 730 hectáreas.
  • Xuño-Porto do Son (10 de agosto) 870 hectáreas.
  • Muíños (5 de setembro) 747 hectáreas.
  • Ourense Oímbra (6 de setembro) 1.363,25 hectáreas.
  • Ourense Entrimo (6 de setembro) 2.999,50 hectáreas.
  • Ourense Cualedro (12 de setembro) 1.588,44 hectáreas.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.