Xoves 29 Febreiro 2024

Estas 22 fotos recrean a suba do nivel do mar en Galicia no ano 2100

Afundación publicou este ano unha web con localizacións da costa galega que quedarán asolagadas pola suba do nivel do mar

Portos afundidos, praias desaparecidas e unha nova xeografía das rías galegas. Así será o efecto en Galicia da crise climática e da suba do nivel dos océanos. Empregando datos da plataforma Climate Change, Afundación celebrou este mes de xuño o Día Mundial do Medio Ambiente publicando estas 22 fotos que recrean a suba do nivel do mar na costa galega.

A illa de Arousa no 2020 e na previsión do 2100.

“A saúde dos océanos está a deteriorarse debido ao aumento das temperaturas, a acidificación da auga, o esgotamento dos recursos naturais e a contaminación dos ecosistemas terrestres e marítimos”, sinala Afundación na súa iniciativa, que recolle un total de 62 puntos costeiros da península ibérica, a situación no ano 2020 e a estimación do terreo que quedaría por baixo do nivel do mar no ano 2100, segundo a interpretación dos estudos realizados por Climate Central.

Publicidade

Dez lugares de Galicia que estarán ameazados polo mar en 2050

O obxectivo desta recreación é informar sobre a urxencia e a importancia a escala mundial de conservar un océano saudable para as xeracións actuais e futuras.

Na mesma liña, o Grupo Intergobernamental de Expertos sobre o Cambio Climático (IPCC polas súas siglas en inglés), no seu estudo de 2019, estimou unha elevación dun metro do nivel do mar no ano 2100 se mantemos a tendencia actual.

Aquí podes ver a recreación dos 22 puntos da costa galega

1 comentario

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:03:05

R de Revolta: o autogoberno irmandiño de “todos á unha”

Entre 1467 e 1469 a rebelión do poder popular arremeteu contra as fortalezas do Reino, o símbolo material da violencia dos señores

A borrasca Louis activa a alerta vermella en Galicia por ondas de ata 8 metros

As baixas presións situadas en Islandia provocan un forte temporal marítimo e envían chuvia, vento e neve ao noroeste peninsular

Unha potente borrasca traerá chuvia abundante e desplome de temperaturas a partir do xoves

Galicia acadará os 22 graos entre luns e martes mentres que a fin de semana estará marcada por un "temporal invernal"

Crean en Vigo un mapa de biodiversidade costeira a partir de 11.000 chíos

A análise da información recompilada na rede X permite, cun baixo custo, complementar os programas existentes de vixilancia