Unha aplicación móbil galega para fichar no traballo

Segundo o Instituto Nacional de Estadística (INE), no último trimestre do ano 2018 houbo un total de 6.435 horas extraordinarias realizadas na semana polo conxunto de traballadores asalariados. Como medida para regular as horas extra, o 12 de maio deste mesmo ano entraba en vigor o rexistro obrigatorio diario da xornada laboral, que debe incluír a súa hora concreta de inicio e fin.

A execución deste trámite pode ser un crebacabezas para as empresas e empleados: follas de Excel, papeis impresos que cubrir cada día e que ás veces esquécense, máquinas que crean colas molestas… E ante este panorama xorden alternativas innovadoras vinculadas ás novas tecnoloxías, que buscan facilitar o cumprimento da nova normativa.

Publicidade

O smartphone como ferramenta

A empresa tecnolóxica Primux, do Parque Tecnolóxico de Galicia (Ourense), lanzou ao mercado unha aplicación móbil que permite aos empregados fichar co seu dispositivo. Toni Alvar, o responsable de I+D+i, explica que levaban xa anos traballando neste proxecto, e a aprobación da normativa foi o escenario ideal para a súa saída.

O uso do smartphone está estendido practicamente por toda a poboación; a aplicación foi deseñada en base ao estudo da utilización que se fai destes dispositivos. A través dun deseño sinxelo e intuitivo, Primux propón esta opción de fichar a través do smartphone como a máis facilmente integrable na rutina dos empregados e na operativa das empresas.

Como funciona a aplicación?

O sistema de fichaxe está formado por tres aplicacións relacionadas entre si. Unha parte é a que se encarga do aspecto administrativo, como a xestión das vacacións; outra actúa como centralita, de xeito que permite fichar de forma manual; e por último está a aplicación móbil para os empregados.

O funcionamiento da aplicación.
O funcionamiento da aplicación.

A diferencia da app de Primux respecto a outras alterativas do mercado é que funciona só de xeito presencial; o empregado debe estar polo menos a 5 metros do seu sitio de traballo para poder fichar, de maneira que se garante a súa presenza no lugar. Ademais, dispón dunha plataforma que permite ao administrador, de xeito sinxelo, filtrar os datos por empregado, exportar informes e editar fichaxes, entre outras funcionalidades.

Quen a pode utilizar?

Aínda que é adaptable a calquera modelo de negocio, esta aplicación está especialmente pensada, explica Alvar, para pequenas e medianas empresas: “O uso é moi sinxelo e custa menos de 20€; tanto a creación de usuarios como a xestión son gratuitas, polo que está ao alcance de calquera.”

O sistema custa menos de 20€; a creación de usuarios e a xestión do mesmo é gratuito

Esta fórmula evita as aglomeracións e a memorización ou extravío de códigos de rexistro dos empregados.”Hai pequenos comercios que necesitan unha aplicación de fichaxe sinxela, sen recurrir á típica folla de Excel”, explica Alvar: “Nós fabricamos tecnoloxía móbil para intentar axudar á xente“.

A app xa está dispoñible para Android e iOS en Google Play e na Apple Store, así como na páxina web de Primux.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A falsa endemia de malaria e outros intentos para desecar a lagoa de Antela

A partir do século XVIII a zona húmida foi considerada inimiga da agricultura. Os veciños intentaron evitar o desaugamento das terras que utilizaban para o pastoreo

Galicia superará os 40 graos durante a cuarta onda de calor da península

O sur de Pontevedra a Ourense serán as zonas máis afectadas durante un episodio de calor intenso que durará ata o xoves

Alerta por 19 positivos por tuberculose en Ourense: estes son os seus síntomas

Un infectado contaxiou a case unha vintena de alumnos do IES Julio Prieto Nespereira que, de momento, non desenvolveron a enfermidade

O CITIC lidera un proxecto do INE para mellorar a función estatística oficial

Un equipo dirixido polo científico Ricardo Cao recibirá 650.000 euros para o desenvolvemento de sete liñas de investigación