Equipo de ITFAB.
Equipo de ITFAB.

Unha fábrica de obxectos únicos grazas ás tecnoloxías 3D

Nas aulas da Escola de Enxeñería de Deseño Industrial de Ferrol cruzáronse os camiños de Iago, Carlos e Roberto. Durante a carreira, compráronse entre os tres unha impresora 3D para imprimir as maquetas dos traballos dalgunhas materias. Aquilo foi o xermolo do proxecto que chegou ata hoxe como ITFAB, convertido xa nunha empresa cun futuro prometedor nun sector que crece a cada día que pasa.

Nos días de facultade, estes tres mozos ofrecían aos seus compañeiros de escola un servizo de impresión para estas maquetas. O paso máis serio dérono cando Sergio uniuse ao proxecto cun investimento “chave para a compra de máis maquinaria e difusión”, explican os creadores de ITFAB.

A proximidade e a atención persoal a cada un dos seus traballos é unha das bases sobre as que se asenta este proxecto. “Cada cliente parte dun punto concreto desde o cal nós recollemos a idea, ata conseguir o produto fabricado nas súas mans”, contan. “Tanto se só tes unha idea debuxada no papel coma se xa puideches modelar por computador a peza, ITFAB asesora que técnoloxía e que materiais se adaptan máis ao teu proxecto para conseguir o resultado esperado”.

Os clientes

Quen solicita os servizos que ofrece ITFAB? Case todos teñen en común que buscan “fabricar pezas únicas e concretas; desde talleres de reparación de coches (con produtos a medida para o cliente final) ata cartelería para unha nova barbería, estudos de deseño con novos conceptos ou escolas de hostalería”, son algúns dos exemplos de proxectos que acoden a esta empresa.

En pouco tempo, ITFAB fíxose cunha carteira de clientes importante, “cun volume xa propio dunha empresa, non simplemente dunha start- up”, aclaran os seus creadores. Pero queda moito camiño: “Queremos aumentar a nosa capacidade produtiva para abarcar máis industrias e democratizar o uso destes métodos de fabricación a distintos niveis da sociedade e a industria”, engaden.

Modelo propio de impresora 3D desenvolvido por ITFAB.
Modelo propio de impresora 3D desenvolvido por ITFAB.

A tecnoloxía

E como se fan estes produtos en 3D? “Usamos robots construtivos que van superpoñendo a información, de cada modelo 3D, ‘capa a capa‘. Todo parte dun volume dixital que se procesa en función de material e da máquina concreta que hai que usar para seccionalo en capas de centésimas de milímetro de altura; así, os robots van debuxando cada capa engadindo ou quitando material ata obter o resultado final”.

Con estas premisas, os impulsores do proxecto matizan que, “a diferenza doutras empresas relacionadas con esta tecnoloxía, ITFAB non ofrece maquinaria. Nós ofrecemos solucións de fabricación e asesoramento a través das tecnoloxías de impresión 3D”. Con todo, non é unha porta pechada: “Isto non nos exclúe de dominar todo o relacionado coa construción destas máquinas e o movemento RepRap, de coñecemento opensource. De feito, grazas a iso, construímos nosas propias máquinas e ferramentas”.

ITFAB gañou a segunda edición de Connecting for Good Galicia, que impulsan GAIN e Vodafone

Todo este esforzo tivo xa varios recoñecemento. ITFAB foi o gañador da segunda edición do programa de aceleración Connecting for Good Galicia, organizado pola Axencia Galega de Innovación (GAIN) e a Fundación Vodafone España, unha experiencia moi positiva para o equipo. “Entramos cunha idea de negocio moi pouco definida, pero co paso das mentorías e os cursos de formación fómoslle dando forma á actual fórmula de ITFAB”.

O apoio de GAIN e Vodafone foi, por tanto un antes e despois para o proxecto que naceu un día na Escola de Deseño Industrial de Ferrol. “Conseguimos facer unha proposta de valor enfocada, e grazas ao premio económico do programa, puidemos establecernos na Coruña, coa infraestrutura necesaria para dar o salto á industria”.

1 comentario

  1. Esperanzador, jovenes emprendedores, creativos y muy trabajadores. Enhorabuena y mucho exito

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.