Venres 29 Marzo 2024

Máis de 200 empresas optan ao polo industrial galego de drones

Galicia atópase no medio dun proceso de reindustrialización no que se apunta á industria aérea e espacial como un dos piares da nova economía galega. Un bo exemplo é o polo industrial e tecnolóxico de avións non tripulados impulsado pola Xunta, que espertou o interese de máis de 200 empresas. O Goberno galego lanzou o mes pasado unha convocatoria para que as compañías interesadas en converterse en socio industrial do proxecto, ou en participar nos procesos de compra pública innovadora que se levarán a cabo, manifestasen o seu interese. Tras o remate do prazo o pasado día 30, a Xunta recibiu resposta de compañías galegas e españolas, pero tamén de empresas de países como A .
“É a demostración clara de que o sector ve neste proxecto da Xunta de Galicia un elemento para desenvolver aquí en Galicia un polo industrial e tecnolóxico no eido dos avións non tripulados”, salienta o conselleiro de Economía e Industria, Francisco Conde.

A Xunta investirá 45 millóns en impulsar este polo, que terá en Ourense o seu principal eixo

En total, a Xunta investirá 45 millóns en impulsar este polo a través da contratación dun ou varios socios industriais, así como de compra pública innovadora de tecnoloxía relacionada con este ámbito. As compañías seleccionadas terán un papel fundamental no impulso a un polo que ten como un dos seus grandes eixos o Centro de Investigación Aerotransportada de Rozas, no que Xunta e Inta están a investir 10 millóns de euros, pero que tamén terá como piares outras zonas de Galicia.
A Xunta aposta polo potencial das capacidades ourensanas, a través de empresas como Aernnova ou da nova titulación en aeronáutica, e na decisiva contribución da capacidade industrial xa instalada na área de Vigo, a través de compañías como Delta Vigo e as compañías do Consorcio Aeronáutico Galego.
Conde subliñou que, precisamente, unha das claves do proxecto é a participación das pemes, centros tecnoñóxicos e universidades galegas, aliándose coas empresas líderes doutras rexións e países. Todas elas participarán os próximos días 20 e 21 de xullo nun evento en Santiago no que se explicarán as condicións para participar no proceso e no que a Xunta porá en contacto aos candidatos para ser o gran socio industrial do proxecto coas pemes galegas interesadas en establecer alianzas con eles.
Esta iniciativa enmárcase no impulso á reindustrialización de Galicia que marca a Axenda da Competitividade Galicia-Industria 4.0.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A falsa endemia de malaria e outros intentos para desecar a lagoa de Antela

A partir do século XVIII a zona húmida foi considerada inimiga da agricultura. Os veciños intentaron evitar o desaugamento das terras que utilizaban para o pastoreo

Galicia superará os 40 graos durante a cuarta onda de calor da península

O sur de Pontevedra a Ourense serán as zonas máis afectadas durante un episodio de calor intenso que durará ata o xoves

Alerta por 19 positivos por tuberculose en Ourense: estes son os seus síntomas

Un infectado contaxiou a case unha vintena de alumnos do IES Julio Prieto Nespereira que, de momento, non desenvolveron a enfermidade

A Coruña é a provincia con máis xeodestinos de Galicia

A actualización do mapa desta áreas turísticas destacadas suma 12 novos destinos e xa está integrado por un total de 26