Un cóctel de bacterias para sandar o chan

Unha empresa de Pontevedra traballa nunha formulación bacteriana que xestiona o xurro, eliminando cheiros e apartando os patóxenos para transformalo no mellor abono orgánico para hortas e granxas

Obxectivo, reducir abonos químicos

De Costa Rica a Porto  do  Molle, en Nigrán. Unha longa viaxe para aplicar a biotecnoloxía á produción láctea e cárnica do sector primario en Galicia cun cóctel de bacterias que inverte o proceso de  putrefacción e o empurra cara á fermentación. Nos refugallos, agroma nova vida.  

Hai cinco anos que Carla Salazar e o seu marido Fernando alumearon Bioprana. Tomaron o nome do vocábulo hindú ‘ Prana’, que se traduce como a enerxía da vida e co prefixo ‘Bio’ cun obxectivo moi claro: coller o que a natureza ofrece para reparar o que  a sobreprodución e a acción humana teñen desequilibrado. 

Para iso, puxeron os ollos no modelo costarriqueño, un país  efervescente en sustentabilidade onde agariman o seu patrimonio natural moi conscientes de que é a súa fonte de riqueza. Fernando e Carla e importaron esa (bio)tecnoloxía para aplicala nas granxas familiares, cultivos e pequenas hortas pero tamén, e sobre todo, nas grandes explotacións agrícolas e gandeiras de Galicia.  

Mecánica sinxela

A mecánica é sinxela, -explica Carla Salazar, cofundadora de  Bioprana e directora de Proxectos de I+D-,  aplícanse os produtos que conteñen un cóctel de bacterias sobre o que denominan  subprodutos (compost, esterco e xurros). Asi, desencadease de xeito natural un proceso orgánico que transforma os refugallos en materia orgánica válida como abono, fertilizante e substrato  sanador para o chan. 

Cun cadro de persoal de 7 traballadores con distintos perfís técnicos e comerciais,  Bioprana suma xa máis de 600 clientes na Península. ‘Lonxe do que poida parecer, o 99% dos nosos clientes non son empresas coa etiqueta de Bio ou Eco, senón convencionais”, apunta a directora de I+D. Explotacións lácteas, cárnicas -tanto de vacún como de porcino-, malia que aínda non entraron ao mercado avícola. 

Escolleron Galicia pola dimensión e importancia do seu sector primario pero Salazar relata que lles levou un bo tempo penetrar no mercado, pero a aplicación dos nosos produtos nos corredores dos cortellos deu moi pronto bos resultados ao apartar  patóxenos, eliminar cheiros e mellorar moitísimo o manexo do xurro en centros de produción de vacún-leite ou vacún-carne” explica Salazar, co-fundadora de  Bioprana e directora de Proxectos de I+D. 

“Lonxe do que poida parecer, o 99% dos nosos clientes non son empresas coa etiqueta de Bio ou Eco, senón convencionais”

CARLA SALAZAR, co-fundadora de Bioprana

A empresa, que iniciou a súa andaina en 2017, conta cunha oficina en Pontevedra e un laboratorio en Porto  do  Molle, Zona Franca de Vigo co respaldo da Xunta de Galicia. Entre persoal fixo e indirecto, suman 15 empregos. 

Formación e cadea de distribución

“Traballamos moito na formación e na cadea de distribución para ir avanzando  e penetrando, pero unha vez que o proban, comproban que se eliminan cheiros, atas cos e demais; melloran tanto o benestar animal como  a produción do chan e a calidade das augas”, resume Salazar.

Está convencida de que a lexislación ambiental tanto no Estado como a nivel europeo xa vai indicando ese camiño a curto prazo polo que confía en que a innovación aplicada á agricultura e á gandería siga avanzando pola dirección que marca  Bioprana.  Unha solución ambiental a base de microorganismos vivos para sacar partido aos residuos e reducir os fertilizantes químicos

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.