Xoves 28 Marzo 2024

O futuro da innovación empresarial pasa por Vigo

Case dous meses de convivencia para crear empresas innovadoras. O Innovation Start-Up Vigo Camp chega este xoves ó seu fin logo de sete semanas nas que quince titulados universitarios menores de 30 anos gozaron dunha enriquecedora experiencia, da man dun grupo de expertos do eido empresarial para adestrarse no desenvolvemento de ideas innovadoras con alto potencial de negocio. O proxecto, innovador en España, púxose en marcha grazas á colaboración de Zona Franca, Cámara de Comercio de Vigo e a Fundación Incyde, cun orzamento de 60.000 euros.

Innovation Start-Up Vigo Camp
Xornada de traballo no Innovation Start-Up Vigo Camp.

Os quince participantes deste ‘campamento’ foron seleccionados entre un gran número de candidatos de diversas titulacións e distintos puntos de España. Na área de Vigo, en Porto do Molle, puideron participar en xornadas de formación e traballo cuxo obxectivo é por en práctica novas metodoloxías para o emprendemento e potenciar o crecemento intelixente e especializado, acorde coas directrices europeas, xa que o programa aproveita os recursos financiados na rexión con Fondo Social Europeo a través da Fundación Incyde. Ese traballo concrétase no deseño e constitución de tres startups de alto contido innovador e creativo que poderán ubicarse nunha das incubadoras de empresas do Consorcio da Zona Franca de Vigo, de xeito gratuíto e durante un ano.

Seminarios, eventos e visitas

Os futuros emprendedores contaron coa axuda e consellos dun equipo de mentores formado por expertos en áreas funcionais da empresa e nas novas tecnoloxías base do desenvolvemento da economía do coñecemento. Ademais dos seminarios de formación estándar, os participantes tamén asistiron a eventos de networking con emprendedores e profesionais innovadores, e visitaron as instalacións de PSA Citroën Vigo, a Cidade da Cultura de Galicia (Santiago de Compostela), o centro tecnolóxico AIMEN, a Escola de Negocios Afundación e a Fundación Juana de Vega (Oleiros), ademais de participar na quinta edición do Lacon Network, coñecer o Coworking Vigo +qcoworking, asistir ás conferencias do TEDx Galicia en Carballo ou coñecer o programa da aceleradora de empresas e emprendedores ViaVigo.

Publicidade

Como complemento a súa actividade, os participantes abriron un blog no que veñen explicando en primeira persoa o seu traballo e impresións desta experiencia. Esta labor de comunicación e difusión completouse cunha páxina en Facebook e unha canle audiovisual en Youtube con vídeos propios nos que expoñen os seus proxectos.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Cunchas de moluscos, as grandes aliadas do sector da bioconstrución

A empresa Extraco promove o emprego de materiais de orixe biolóxica para a fabricación de morteiros ou formigóns
00:05:16

ViaGalicia, dez anos impulsando ás empresas do futuro

O programa de aceleración da Zona Franca recibiu máis de mil propostas nunha década de existencia, coa innovación como denominador común das ideas seleccionadas

Un científico galego descobre os poderes do veleno de avespa contra as superbacterias 

César de la Fuente: “O logro abre novas portas para deseñar novos antibióticos inspirándonos nos velenos do mundo natural"

Unhas xornadas afondan en como creatividade e innovación xeran un futuro máis sostible

Celebraranse este mércores 24 na Casa das Campás, en Pontevedra, ao abeiro do programa "Ciencia de ida e volta" impulsado pola UVigo