Venres 29 Marzo 2024

Máis de 90 estudantes de Santiago recibiron orientación laboral no programa Mentoring

A Universidade de Santiago clausurou este martes a segunda edición do seu programa Mentoring, que busca reducir a incerteza do alumnado que rematou ou está a piques de rematar a súa etapa universitaria e carece de referencias para orientar axeitadamente o seu perfil ao mercado laboral. Nesta ocasión participaron 141 mentores, e foron 91 os mentorizados que completaron o proceso con éxito.

A clausura do programa tivo lugar no Hostal dos Reis Católicos nun acto que presidiu a vicerreitora de Estudantes, Cultura e Responsabilidade Social, Dolores Álvarez Pérez, e no que interviñeron ademais o secretario xeral técnico da Consellaría de Política Social, Francisco Javier Abad Pardo; a concelleira de Igualdade, Desenvolvemento Económico e Turismo, Marta Lois González; a directora de Institucións de Caixabank, Mª Jesús García Piñeiro; o alumno mentorizado Daniel Regueiro Varela, e o mentor José Carballo García.

Publicidade

Para a vicerreitora, “hoxe podemos constatar o éxito desta iniciativa, que unha vez máis mostra a importancia da cooperación entre empresa-universidade na consecución de obxectivos esenciais para a sociedade”. Dolores Álvarez destacou o altruísmo das persoas que se ofrecen como mentoras e se comprometen así a “guiar, asesorar e transmitir a súa experiencia ao noso alumnado”.

No mesmo acto, no que se lle entregou un recoñecemento a cada mentor, o vicepresidente de Aguas de Barcelona, Arsenio Olmo Chaos (O Courel, 1959), impartiu a conferencia ‘Traballo sen fin’. Licenciado en Psicoloxía pola Universidade de Barcelona, Arsenio Olmo posúe un MBA polas Universidades Autónoma de Barcelona, Barcelona e Politécnica de Cataluña e un mestrado en Dirección de Recursos Humanos por EADA en 2001, e actualmente é tamén director xeral de Organización de Suez Water Europe.

O programa
Poden ser mentores ou mentoras calquera directivo/a, profesional ou emprendedor/a con preparación que estea disposto a dedicar unha parte do seu tempo a escoitar as inquedanzas dos estudantes e compartir coñecementos e experiencias. Comprométense a asistir ás sesións de presentación e clausura, na que os/as participantes comparten os seus resultados e experiencias. Ademais deben manter un mínimo de catro reunións coas persoas ‘mentorizadas’ no seu lugar de traballo ou por medios telemáticos durante os catro meses posteriores á presentación.

Pola súa banda, o alumnado debe tomar a iniciativa para contactar co mentor/a e con el/a planificar os obxectivos deste período e finalmente valorar o desenvolvemento do programa e os resultados obtidos.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Galicia avanza para contar cos seus propios medicamentos CAR-T nos próximos anos

A finais de ano abrirá un centro de produción en Santiago e un proxecto de investigación traballa para aplicalos en tumores sólidos

Así era Castro Valente: a fotografía láser recrea a muralla da gran fortaleza medieval galega

Un estudo da USC usa as novas tecnoloxías para ampliar información sobre o xacemento de 10 hectáreas situado entre Padrón e A Estrada

O meteorito que brillou como cincuenta lúas cheas xa pode visitarse en Santiago

Tratouse dun asteroide de 1,15 metros de tamaño e 2,62 toneladas de masa que chocou contra a atmosfera a 15 Km/s

Unha tese galega demostra a viabilidade de reutilizar restos vinícolas e pesqueiros no país

Antonio Cortés avaliou a sustentabilidade das estratexias de valorización de residuos orgánicos, alén de estudar a ecoeficiencia dos procesos