Martes 19 Marzo 2024

Os 13 soldados descoñecidos da Guerra Civil que ninguén reclamou en Santiago

Hai cinco anos, durante unhas escavacións realizadas na localidade de Abánades (Guadalajara) e dirixidas polo arqueólogo do Incipit de Santiago Alfredo González Ruibal, atopáronse os restos de 13 soldados combatentes na Guerra Civil española. Foron trasladados a Santiago para ser estudados.

Porén, a pesar do traballo dos científicos, os combatentes non puideron ser identificados, e ninguén os reclamou. “Dado que o protocolo da Lei de Memoria Histórica é ambiguo para estes casos, a decisión sobre que facer con eles, unha vez acabada a investigación, queda nas mans do arqueólogo que os atopou”, sinala González Ruibal.

Publicidade

Este venres 13 de outubro, o CSIC trasladará desde Santiago de Compostela estes restos. Hai varias dúbidas sobre a mesa: distinguir, ou non, as tumbas individualmente, que epitafio debería acompañar aos restos ou que tipo de cerimonia se debería celebrar. A decisión tomarase nunha tertulia, baixo o título de La ruta más larga, que terá lugar o sábado ás 12 da mañá no salón de actos do Centro Cultural Conde Duque de Madrid.

A continuación, os 13 corpos serán entregados ao Museo da Guerra Civil de Abánades, onde ficarán ata que sexan de novo enterrados no lugar no que foron atopados en marzo do ano que vén.

A actividade enmárcase dentro do proxecto europeo Nearch, no que participan o Incipit de Santiago e a Academia de Arte Van Eyck, de Maastricht (Holanda). “No marco deste proxecto desenvolveuse un programa de artistas residentes, coordinado pola Academia Van Eyck, cuxa finalidade era provocar reflexións sobre as relacións, ás veces conflitivas e problemáticas, da sociedade cos restos e evidencias que derivan de escavacións arqueolóxicas. O Incipit, sobre todo desde a incorporación de González Ruibal, desenvolve unha intensa labor de investigación sobre as relacións e conflitos, a miúdo non visibles nin verbalizados, das nosas sociedades actuais coas evidencias materiais do pasado”, explica Felipe Criado Boado, director do Incipit.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Zendal lanza a primeira vacina de tecnoloxía ADN contra a leishmaniose canina

‘Neoleish’ reduce a presenza do parasito en máis dun 90% e mellora os signos clínicos da doenza

Un composto natural reduce o impacto da seca e mellora a produtividade do tomate

Un equipo do CSIC e da UPV descobre como actúa o butanoato de hexenilo, un aroma que emiten estas plantas para resistir ás bacterias

Como usar datos históricos para a conservación de especies: así é a nova metoloxía con pegada galega

A UVigo e o CSIC proban un método en escaravellos coprófagos ibéricos que permite comprender a súa resposta a cambios ambientais
00:03:09

As patacas teñen lingua propia: o vídeo dunha galega finalista nun certame de divulgación

A investigadora da Misión Biolóxica de Galicia Lucía Martín Cacheda presenta unha peza audiovidual sobre a comunicación química das plantas