Venres 29 Marzo 2024

A enciclopedia do patrimonio de Galicia acada os 10.000 bens catalogados

Sete anos de traballo, uns 200.000 quilómetros percorridos e a colaboración de decenas de voluntarios fixeron posible o que é un fito para a catalogación do patrimonio galego. Esta semana, o portal patrimoniogalego.net anunciou que se acadaron os 10.000 bens culturais catalogados no portal.

O proxecto, nacido en 2011, ten por obxectivo recoller na rede, a través de sistemas de información xeográfica, todos os bens espallados polo territorio do país. “Como unha Wikipedia do patrimonio“, explican os seus autores. Poden consultarse os bens mediante diversas categorías: tipo, cronoloxía, por comarcas, concellos, tipo de acceso, se está cuberto ou non por maleza, etc.

Publicidade

A honra do ben número 10.000 recaeu no petróglifo da Laxe da Presiña, en Gondomar, que foi rexistrado por Óscar Franco. Cúmprese así o obxectivo inicial que se marcou en 2011 o equipo que puxo a andar o proxecto en 2011, encabezado por Manuel Gago. Nos vindeiros meses, para celebrar o fito dos 10.000 bens, xa se están a preparar actividades conmemorativas.

Eivas na xestión do Patrimonio

As eivas na xestión do patrimonio por parte da Xunta provocan que non exista información pública acerca dos Bens Culturais. Deste xeito, non hai datos precisos sobre o estado de conservación e difusión destes bens. Debido a estas eivas, os impulsores de patrimoniogalego.net organizáronse para poñer esta información a disposición da cidadanía a través da internet. Sen financiamento público, segundo explican, “foron quen de crear unha enorme cartografía do Patrimonio cultural de Galicia, mentres as administracións, obrigadas por lei á difusión pública do catálogo do Patrimonio, continúan sen ofrecer ferramentas accesibles para acceder a esta información alén das puntuais necesidades da lexislación urbanística”, denuncian.

Estes problemas de xestión e conservación amósanse noutro dos proxectos que se poden consultar na enciclopedia: a lista vermella. Aborda os bens que corren grave perigo “xa sexa de destrución, alteración ou desaparición”. As persoas que colaboran na catalogación tamén poden colaborar no rexistro destes bens en perigo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.