Venres 29 Marzo 2024

Galicia non padeceu as invasións do leste de Europa e de Asia na Idade de Bronce

Entre o Neolítico medio (4200-3500 A.C) e a Idade de Bronce media (740-1430 A.C) o centro e o norte de Europa recibiron un fluxo masivo de persoas de Europa do leste e Asia. Segundo revelan investigacións en xacementos arqueolóxicos, estas migracións alteraron a cultura e os rituais funerarios das poboacións na península ibérica.

Agora, un equipo de investigadores do Trinity College de Dublín (Irlanda) e da Universidade de Coimbra (Portugal) realizou un estudo para pescudar se a presenza estranxeira tamén modificou a xenética dos individuos ibéricos durante este período.

Publicidade

No traballo, publicado na revista PLOS Genetics, os expertos secuenciaron o ADN de 14 individuos que viviron en Portugal durante o Neolítico e a Idade de Bronce para comparalo con xenomas europeos antigos e modernos.

Os achados poderían explicar a permanencia de linguas preindoeuropeas, como o eúscaro

Os resultados do estudo revelan que, en relación con outras rexións europeas, os cambios xenéticos entre as diferentes mostras son mínimos. Así, os investigadores concluíron que Galicia e o resto da península Ibérica recibiu menos migración que outras zonas de Europa naquel momento histórico. Ademais, resaltan que estas variacións foron máis pronunciadas na liñaxe paterna.

“Ao analizar a ascendencia vinculada ao cromosoma Y, transmitido só de pais a fillos, observamos unha maior discontinuidade xenética”, explicou á axencia Sinc Rui Martiniano, coautor do estudo xunto a Daniel Bradley. “Estes cambios xenéticos indican que, no Neolítico e na Idade de Bronce, podería ter migrado máis homes que mulleres á Península”, engade.

Os científicos apuntan a que as invasións na rexión ibérica producíronse a unha escala menor en comparación coas do centro e o norte de Europa. Así, este feito axuda a explicar como se espallou a linguaxe, a cultura e a tecnoloxía neste territorio.

“Os nosos achados indican que a escasa migración facía a península Ibérica aclara a permanencia de linguas preindoeuropeas na rexión, por exemplo o eúscaro“, conclúe Martiniano.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.