Venres 29 Marzo 2024

Descobren novos petróglifos en Campo Lameiro con armas e animais

Un equipo conformado por persoal investigador do Grupo de Estudio para la Prehistoria del Noroeste Ibérico (GEPN) e do Parque Arqueolóxico de Campo Lameiro atoparon dous novos petróglifos no entorno deste parque. Ademais dun de combinacións circulares e diferentes coviñas, “típico da arte rupestre galaica” segundo os investigadores, atopouse outro no que destaca unha arma de grandes dimensións en posición pasiva rodeada de diferentes animais, na súa maioría cervos, “algo completamente inusual na arte rupestre”.

Alia Vázquez Martínez
Miguel Carrero Pazos (GEPN)  e Benito Vilas Estévez (do Parque Arqueolóxico de Campo Lameiro), explican que “é, sen dúbida, unha das descubertas mais importantes dos últimos anos, e é un petróglifo que fai reformularse teorías previas entre as asociacións de armas e animais, e que axuda a comprender mais amplamante a dimensionalidade e potencial da arte”. O achado “mostra todo o que aínda nos queda por coñecer e os descubrimentos que están por vir”.

O achado fai reformularse teorías históricas da asociación de armas e animais

Este achados forman parte das actividades do proxecto de ‘Documentación dos cervos de Campo Lameiro mediante técnicas 3D’ que dirixe o profesor Antón A. Rodríguez Casal e que conta co asesoramento científico do catedrático Ramón Fábregas Valcarce. Mentres que o primeiro dos petróglifos se sitúa a escasos metros do aparcamento do centro o segundo estaba a escasos 250 metros, na zona de Outeiro de Chan de Isca. Destaca este petróglifo polo seu bo estado de conservación e por ser a primeira arma do entorno inmediato do parque.

Publicidade

Ademais desta referencia, o equipo considera singular a presenza dunha manada de mais de 25 animais polo de agora, aglomerados en torno a rocha, no que destacan figuras de un máximo de 15 centímetros de lonxitude, “sendo dos mais pequenos coñecidos e que demostran a gran habilidade que debeu de posuír o gravador ou gravadora que os realizou”.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Galicia e Portugal compartían no Paleolítico un corpus artístico que revela nexos culturais

Dúas investigacións descobren os paralelismos existentes entre representacións de máis de 9.000 anos de antigüidade en Cova Eirós e o val do Côa

Laxe dos Bolos, un petróglifo referente da arte rupestre en Galicia

Un libro recolle o traballo arqueolóxico coordinado por Elena Cabrejas Domínguez, arqueóloga do Instituto de Ciencias do Patrimonio

Tres turistas entran en Cova Eirós e provocan un incendio de 5.000 metros no monte

É o xacemento de arte rupestre máis antigo de Galicia, que logrou salvarse grazas á colaboración dos veciños que deron a alerta do lume

Un cura, unha feligresa e unha profesora: así foi a recuperación dun baldaquino do século XVI

Un cura, unha feligresa e unha profesora: así foi a recuperación dun baldaquino do século XVI