Venres 29 Marzo 2024

Descobren catro novos debuxos de Picasso na Coruña

Aparecen catro novos debuxos de Picasso da súa etapa na Coruña. Un estudo realizado polo Centre d’Art d’Època Moderna (CAEM) da Universitat de Lleida, que leva 17 anos investigando e afondando no coñecemento de obras de arte, permitiu atribuír ao artista estes catro traballos realizados entre 1894 e 1896. Os debuxos, a tinta, lapis de carbón ou lapis de grafito, captan o ambiente doméstico do neno, no que predominan escenas familiares co seu pai.

A grafía da firma -semellante á de obras que se conservan no Museo Picasso de Barcelona-, o tipo de papel, a técnica utilizada, o trazo… moitas foron as análises feitas polos expertos para chegar á conclusión de que son catro novas obras do pintor malagueño.

Publicidade

Os debuxos pertencen a unha colección particular, dunha familia da que non se revelou a identidade, pero que se dirixiu ao CAEM porque sospeitaban que eses papeis carrapateados con trazos de lapis podían encaixar coas primeiras obras de Picasso cando era un neno na Coruña.

Os debuxos pertencen á colección particular dunha familia 

Estes debuxos formarían parte da extensa produción de apuntamentos e esbozos de Pablo Ruiz Picasso na súa etapa formativa máis temperá, entre os 13 e 14 anos de idade. O número 20 da céntrica rúa Real foi o lugar elixido polo mozo pintor en 1895 para mostrar os seus primeiros traballos. Foi unha exposición que lle reportou as súas primeiras boas críticas na prensa. La Voz de Galicia escribía ao día seguinte da inauguración: “Non están mal debuxadas, o colorido é acertado e a entoación é bastante boa e todo iso resulta superior se se ten en conta a idade do artista (…) Continúe desa maneira e non dubide que alcanzará días de gloria e un porvir brillante”.

Agora, estes novos catro debuxos engádense á vasta obra do pintor malagueño e poñen un valor engadido á súa relación coa Coruña.

Aquí podes ver o documento do estudo e os catro novos debuxos

picasso 2

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un traballo da UDC sobre investigación básica en epilepsia gaña o Epiforward 2024

O equipo conseguiu reducir a actividade cerebral grazas á aplicación de campos magnéticos en áreas concretas do cerebro

Científicos galegos participan no primeiro mapa español de bacterias resistentes aos antibióticos

A base de datos en liña proporciona o perfil xenómico de 461 cepas, procedentes de 41 hospitais situados en 13 rexións de España

As infeccións de transmisión sexual entre menores de 18 anos medran un 37% en España

O XIV Congreso Nacional GeSIDA celebrado na Coruña reúne a centos de expertos que debatirán sobre os avances e retos no ámbito do VIH

Os Museos Científicos Coruñeses programan do 11 ao 19 de novembro a Semana da Ciencia

Co obxectivo de atender a elevada demanda de visitas, este ano prolónganse durante dúas fins de semana as celebracións da Semana da Ciencia