Xoves 28 Marzo 2024

10 anos de Imatia

En xullo do ano 2005, por iniciativa do docente e investigador do Departamento de Enxeñaría de Sistemas de Automática Fernando Vázquez, nacía Imatia, a segunda spin-off da Universidade de Vigo. Transcorrida unha década da súa creación, esta empresa, centrada no desenvolvemento rápido de software e que na actualidade emprega a preto de 60 persoas, celebrou este mediodía nas súas instalacións de Citexvi os seus primeiros dez anos de existencia.
“Traballando cóbado con cóbado coa Universidade demostramos que unha empresa pode saír dunha institución académica, que pode ser motor de innovación e xeración de emprego”, asegurou Fernando Vázquez na súa intervención ante empregados, clientes e autoridades. O director de Imatia non obviou as dificultades experimentadas nunha época de crise, que non obstante “nos fixo máis fortes e maduros”, asegurou Fernando Vázquez, que animou á comunidade universitaria a emprender, tal e como el fixo hai agora unha década.

A empresa, que da empleo a 60 persoas, foi creada polo seu actual director, Fernando Vázquez

Nun acto no que tamén tomaron a palabra a delegada do Estado na Zona Franca, Teresa Pedrosa e o tenente de alcalde do Concello de Vigo, David Regades, o reitor da Universidade de Vigo, Salustiano Mato gabou a traxectoria dunha empresa “sólida, solvente e internacional” e destacou o papel da institución académica como xeradora de iniciativa empresarial. “Temos que xerar cultura da transferencia e debemos ser xenerosos desde a institución, compartindo o noso talento, que nos permite xerar ata 800 postos de traballo directos e moitos máis indirectos”, sinalou Mato, que se referiu a Imatia como “unha realidade tanxible do camiño que teñen que percorrer as universidades no século XXI”.
Pola súa banda, Teresa Pedrosa felicitou a Imatia por este aniversario e tras lembrar as iniciativas que a institución que representa ten a disposición dos e das emprendedoras, como VíaVigo, agradeceu que a Universidade “entenda a importancia da transferencia”, ao tempo que asegurou que “apoiar o coñecemento é investir e non gastar”. Mentres, o tenente de alcalde do Concello de Vigo, David Regades, lembrou a colaboración desta institución con Imatia para desenvolver a administración virtual, sinónimo dixo de “modernidade, aforro e transparencia”.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.