Un río atmosférico chega dende o Caribe a Galicia con fortes choivas

Meteogalicia e AEMET activan avisos amarelos por importantes precipitacións este sábado no litoral e no interior da provincia da Coruña

Imaxe do río atmosférico previsto, compartida polo Grupo de Física Non Lineal da USC.

Un río atmosférico chega a Galicia este sábado traendo a humidade do Caribe ata o norte da península ibérica. Como consecuencia, haberá fortes choivas que inclúen avisos amarelos por precipitacións na provincia da Coruña por riba dos 40 litros por metro cadrado.

O vento do suroeste traerá este torrente de humidade mentres que as temperaturas mínimas ascendenderán de xeito notable, mentres que as máximas van seguir estables.

Na súa conta de Twitter, o Grupo de Física Non Lineal da USC recordan que “para que haxa chuvias fortes necesítase: 1) Unha gran cantidade de vapor de auga na atmosfera e 2) Fortes ascensos verticais do aire. No caso do sábado teremos moito do factor 1 pero pouco do 2. Polo tanto, todo parece indicar que as chuvias serán cuantiosas pero nada fóra do normal”, explican.

Ríos atmosféricos: as autoestradas aéreas que regulan o clima

“Se ese mesmo río atmosférico fose captado por unha borrasca importante, que organizase e concentrase toda esa humidade ao redor dunha fronte, a cantidade de precipitación que deixaría sería moito maior. Parece que non será o caso, pero compre estar atentos porque este tipo de situacións son propensas a dar sorpresas“, aseguran estes físicos da universidade compostelá.

Pola súa banda, tanto Meteogalicia como a AEMET xa declararon avisos amarelos por precipitacións na costa norte e no interior da provincia da Coruña.

Aquí podes consultar o boletín de avisos de Meteogalicia

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.