Venres 29 Marzo 2024

Galicia, en sétimo lugar nas probas de diagnóstico por 1.000 habitantes

O Ministerio de Sanidad actualiza a cifra con datos do 30 de abril, despois de que o Sergas iniciara o seu propio estudo epidemiolóxico

O Ministerio de Sanidad actualizou este domingo unha das informacións relevantes para analizar a reacción de cada comunidade autónoma na contención da epidemia da Covid-19: as cifras de probas realizadas, tanto a través da técnica de detección PCR como a través dos tests de anticorpos, que detectan a resposta inmune nos organismos que estiveron expostos ao SARS-CoV-2. É a primeira cifra oficial (alén das facilitadas verbalmente nas comparecencias de prensa do presidente da Xunta) despois do comezo do estudo epidemiolóxico do Sergas que tomará mostras de sangue de 100.000 persoas para estudar a circulación do virus no país. O dato de Sanidad, que inclúe as probas da enquisa, fan subir a Galicia ao sétimo lugar no número total de probas, con 55,72/1.000 habitantes, fronte ao oitavo no que se situaba nos datos do 23 de abril, cando sumaba 35,71.

Deste xeito, no tocante á suma dos dous principais tipos de análises en relación á poboación, Galicia está por riba da media española (41,03) e por detrás de La Rioja, Navarra, País Vasco, Castilla y León, Asturias e Cantabria.

Publicidade

En canto ás probas PCR, Galicia, cunha cifra de 38,14, está tamén no 7º lugar e 10 puntos por riba do promedio de todo o territorio estatal (38,14). Precédena as mesmas comunidades que na suma dos dous tipos de probas, agás que Castilla y León está por debaixo e Madrid por riba.

No caso dos tests de anticorpos, cifra na que se inclúen os máis de 35.000 análises que se levan feito ata agora no marco do estudo epidemiolóxico do Sergas, Galicia (17,58 tests/100.000 habitantes) sitúase no 9º lugar, tras La Rioja, Navarra, Castilla-La Mancha, Melilla, Castilla y León, País Vasco, Ceuta e Asturias, e tamén por riba da media de España (12,34).

Os datos achegados por Sanidad inclúen tamén as cifras totais, que se poden consultar nesta táboa. No caso de Galicia, o número de probas PCR recollidas por Sanidad é meirande que o que achegou a Xunta de Galicia o 30 de abril, cando informaba de 96.095.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As embarazadas transfiren anticorpos que protexen durante uns meses ao bebé de covid-19

Investigadores españois demostran que a protección diminúe de forma progresiva nos primeiros seis meses de vida

Unha empresa galega alíase cunha biofarmacéutica suíza para desenvolver terapias contra cancros incurables

SunRock Biopharma, participada pola Xunta, e Debiopharm, asócianse para avanzar en anticorpos conxugados a fármacos

Por que están aumentando os casos de covid en Galicia? Estas son as claves

Un maior movemento da poboación no verán, a caída da inmunidade e a aparición de novas liñaxes de ómicron poden ser os desencadeantes

Nova variante covid? Estes son os motivos polos que están aumentando os casos en España

O cambio de costumes durante o verán e a relaxación das medidas preventivas explicarían o incremento de contaxios