Venres 29 Marzo 2024

Furacán Ofelia: chegará a Galicia?

Os prognósticos son claros: o furacán Ofelia, ou o que quede del, afectará a Galicia. É aventurado predicir a intensidade coa que chegará o vindeiro domingo, e a súa dirección exacta, pero os modelos de predición coinciden en que a súa traxectoria apunta cara o noso país.

Segundo informa MeteoGalicia, a tormenta tropical Ofelia formouse o pasado luns ao suroeste das illas Azores. O primeiro aviso recibiuse no National Hurricane Center (NHC) dos Estados Unidos. Estaba nunhas latitudes pouco habituais, máis ao norte do normal, e tamén máis preto de África. Así, estaba no límite entre os ventos alisios que a moverían cara América e os ventos do oeste que o desprazarían cara Europa.

Publicidade

A día 11 segue movéndose preto das Azores, como tormenta tropical, con ventos de entre 63 e 118 km/h e refachos sostidos de 90 km/h. A previsión do NHC é que nas seguintes 36 horas se converta en furacán de categoría 1. Durante venres, sábado e domingo podería ter ventos sostidos de 130 km/h.

Pola súa parte, o portal meteorolóxico 4gotas.com analiza os sistemas de predición a medio e longo prazo das axencias europeas e estadounidenses. Con estes datos, parece que a tormenta pasará paralela a Galicia, sen afectala de cheo, aínda que cerca para deixar fortes refachos de vento.

Chegará ao final do domingo

Non en tanto, antes de tocar terra, o NHC di, segundo apunta MeteoGalicia, que Ofelia debería facer a transición a tormenta extratropical e a forza do vento diminuiría algo ao chegar a augas máis frías, aínda que nas primeiras horas do luns manteríanse por riba dos 100 km/h. Sería algo máis semellante a unha forte borrasca.

Con estes datos, desde a axencia autonómica conclúen, coa información do día de hoxe, que podería haber ventos importantes en Galicia na noite do domingo e na madrugada do luns. Polo de agora, non parece que as chuvias vaian ser significativas.

Estes son algúns dos modelos de predición:

Momentos máis probables para a chegada de Ofelia e probabilidade de verse afectados por ventos superiores aos 60 km/h. Fonte: Meteogalicia.
Momentos máis probables para a chegada de Ofelia e probabilidade de verse
afectados por ventos superiores aos 60 km/h. Fonte: Meteogalicia.

 

Modelos de predición da traxectoria de Ofelia nos vindeiros días. Fonte: 4gotas.com.
Modelos de predición da traxectoria de Ofelia nos vindeiros días. Fonte: 4gotas.com.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A borrasca Nelson activa a alerta en Galicia por chuvias, vento e temporal marítimo

A Semana Santa comeza con aviso laranxa por ondas de 7 metros en todo o litoral e amarelo por acumulación de chuvia de ata 40l/m2 en tan só 12 horas

Un río atmosférico empapa Semana Santa: Galicia poderá superar os 100 l/m² 

A situación de inestabilidade continuará durante a fin de semana, cando podería producirse unha cicloxénese explosiva no oeste da península

A praia de Barra agocha unha aldea soterrada: un cambio climático invadiu todo de area hai 500 anos

Unha investigación publicada por Andrés Pino analiza o impacto social e económico da Pequena Idade do Xeo no asentamento de Cangas

Galicia rexistra o cuarto inverno máis cálido en 60 anos

As precipitacións foron un 18% superiores ao habitual para este período, sendo especialmente abondosas en febreiro