Únete á nosa canle de Whatsapp
Un tornado rexistrado na mañá do mércores causou danos importantes nun bar e nun piñeiral da Praia de Cabío, na Pobra do Caramiñal. Outro tornado no Pindo, provocou un ferido leve, segundo informou o servizo 112. O afectado refuxiouse no seu vehículo e non requeríu atención médica.
Na Pobra o tornado tomou terra ás 11:30 horas da mañá, e no Pindo algo máis tarde. O fenómeno, que comezou como unha manga mariña, chegou inmediatamente despois dunha forte granizada que chamou moito a atención por ser o pedrazo de gran tamaño. O tornado desprendeu tellas e galerías das vivendas na zona norte da vila. Tamén desprazou colectores e mesmo dobrou sinais de tráfico.
Ademais, segundo precisaron as mesmas fontes, arrincou unha ducia de piñeiros que estaban plantados nun piñeiral próximo ao areal. Meteogalicia mantén para hoxe xoves a alerta amarela por choiva e vento en toda Galicia.
