Venres 29 Marzo 2024

Doce reportaxes seleccionadas para o IV Premio Contar a Ciencia

A cuarta edición do premio Contar a Ciencia conta cunha ducia de propostas de reportaxes que aspiran a obter algún dos galardóns deste certame. Nesta edición destaca a variedade de propostas presentadas polos estudantes de Comunicación das tres universidades galegas, que van dende os últimos avances médicos, ata a astronomía, pasando por descubrimentos arqueolóxicos e tamén pola investigación no campo da acuicultura, entre outras temáticas.

Os estudantes que participan no premio terán agora o prazo dun mes para elaborar as súas reportaxes, que serán publicados no portal GCiencia e que serán avaliados polo xurado para decidir aos gañadores desta edición. Nesta oportunidade o premio foi convocado pola Real Academia Galega de Ciencias (RACG) e conta co patrocinio da Fundación “la Caixa” e co apoio da Secretaría Xeral de Universidades. GCiencia é a organizadora do certame.

Publicidade

A Secretaría Xeral de Universidades e a marca galega Primux colaboran no certame

Entre os obxectivos do premio atópanse a divulgación da ciencia e da investigación que se desenvolven nos distintos campus e achegar o xornalismo e a ciencia ao gran público. Nas últimas edicións destacou a calidade dos traballos presentados. En 2016 gañou o primeiro premio a estudante da Uvigo Ariadna Cordal, cunha reportaxe sobre o uso da domótica para axudar as persoas dependentes.

O xurado estará integrado por representantes da RAGC, de GCiencia, do Colexio Profesional de Xornalistas de Galicia, de “la Caixa”, da Secretaría Xeral de Universidades e do Consejo Superior de Investigaciones Científicas (CSIC).

O traballo que resulte gañador obterá un premio de 700 euros e un smartphone da marca galega Primux, ademais haberá dous finalistas que serán premiados cunha tablet Primux cada un deles. Os traballos seleccionados na primeira fase  obterán un diploma acreditativo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Gciencia celebra o Día da Lingua Materna cun relatorio sobre a divulgación en galego

A xornalista Laura Filloy abordou a importancia de trasladar o coñecemento científico á sociedade nun acto celebrado no Campus de Lugo da USC

Desmontando Mitos en catro minutos, o novo pódcast da colaboración de Gciencia coa Fecyt

O xornal da ciencia estrea este sábado a cuarta temporada da serie creada para combater falsas crenzas
00:05:26

Gciencia fai 10 anos

O portal da ciencia culmina dez días de celebracións polo seu décimo aniversario

Máis xornalismo e máis divulgación

Editorial de Gciencia polo seu décimo aniversario