Venres 29 Marzo 2024

A primeira fronte fría do ano deixará aviso amarelo en todo o litoral galego

O anticiclón que predominou estes días dará paso, esta noite, a chuvias e vento intensos e descenso térmico a partir de mañá

O 2021 despediuse cunha temperaturas que acadaron rexistros históricos. De feito, no primeiro día de 2022, Lugo superou os 20ºC, unha cifra nunca vista nesta zona en xaneiro. De igual modo sucedeu na Coruña e noutros puntos de Galicia. Non obstante, as temperaturas apacibles están a piques de chegar á súa fin. O tempo empezará a empeorar esta mesma tarde, con vento forte do sur. Pola noite recibiremos unha fronte fría, que virá cargada de chuvia e vento intensos, así como dun aviso amarelo en todo o litoral galego.

Segundo informan dende Meteogalicia, dende a tarde de hoxe ata as primeiras horas de mañá rexistraranse refachos superiores aos 80 km/h no noroeste e oeste da Coruña, na Mariña e nas montañas de Lugo e Ourense. Na meirande parte do litoral galego, a noite de hoxe tamén estará protagonizada polo vento do sur con forza 7 que, en determinados puntos do noso litoral (como a Costa da Morte e o Noroeste da Coruña), pode chegar aos intervalos de forza 8.

Publicidade

Máis polo miúdo, a predición para mañá é de chuvia intensa ao longo de toda a mañá, que tamén virá acompañada dun descenso térmico pola tarde. Porén, a fronte fría perderá intensidade e o mércores a chuvia será feble e intermitente. O día de Reis haberá un tempo cambiante, con probabilidade de chuvascos, aínda que estes non serán nin intensos nin persistentes.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A borrasca Nelson activa a alerta en Galicia por chuvias, vento e temporal marítimo

A Semana Santa comeza con aviso laranxa por ondas de 7 metros en todo o litoral e amarelo por acumulación de chuvia de ata 40l/m2 en tan só 12 horas

Un río atmosférico empapa Semana Santa: Galicia poderá superar os 100 l/m² 

A situación de inestabilidade continuará durante a fin de semana, cando podería producirse unha cicloxénese explosiva no oeste da península

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra