Alerta laranxa na costa occidental de Galicia e amarela por fortes choivas na entrada da borrasca Bárbara, que azoutará o país este luns e martes, avanzando dende o litoral atlántico cara ao interior.
A Axencia Estatal de Meteoroloxía ( Aemet) avanzou que a fronte atlántica xa se deixará sentir nas primeiras horas do luns na costa, aínda que a situación será máis complicada a partir da tarde, para pasar o martes a denominación xa oficial como borrasca Bárbara.
Galicia quedará en alerta laranxa por fortes precipitacións e refachos especialmente intensos no litoral de Pontevedra e na Costa da Morte. Mentres tanto, o resto da costa e case todo o territorio da Comunidade galega permanecerán en aviso amarelo.
18/10 23:31 #AEMET #FMA nivel naranja por costeros y/o viento para mañana en Galicia, Cantabria y Asturias . Imagen en vigor a las 23:31 (tabla actualizada haciendo CLIC EN LA IMAGEN), o visite https://t.co/3ce1BF7jDj https://t.co/1DtBi9VF42
— AEMET (@AEMET_Esp) October 18, 2020
Segundo a predición de Meteogalicia, espérase unha xornada que comezará con ceos nubrados que a partir do mediodía deixarán choivas intensas que se estenderán de oeste a leste por toda a comunidade. Espéranse acumulacións de máis de 40 litros por metro cadrado en 12 horas a partir do mediodía nas provincias da Coruña e Pontevedra, ademais de na montaña ourensá.
Actualización #NotaInformativa #temporal atlántico. Mañana entrada frente frío con precipitacions y rachas fuertes de viento en cuadrante NW. Martes/Miércoles precipitaciones más abundantes e intensas en casi toda la Península https://t.co/UnKspacU9I +info https://t.co/mEeV0DXdR5 pic.twitter.com/wlcH8WTrwN
— AEMET (@AEMET_Esp) October 18, 2020
A Aemet lembra que, nestes momentos, no Atlántico oriental, ao oeste da Península Ibérica, formouse unha ampla zona de baixas presións que probablemente se manterá ata o vindeiro xoves. A borrasca Bárbara cruzará o oeste peninsular entre o mediodía do martes e a madrugada do mércores, deixará choivas abundantes e intensas que alcanzarán a case toda a Península, aínda que en maior medida produciranse na metade occidental e zonas de montaña expostas aos ventos de compoñente sur. A Aemet cre que a fronte se afastará cara a Francia e Inglaterra o mércores e que, a partir do venres, diminúa progresivamente.
Aquí podes consultar o boletín de avisos meteorolóxicos de Meteogalicia