Venres 29 Marzo 2024

Galicia comeza a vacinación entre 50 e 55 anos

A inmediata disponibilidade de 30.000 doses da vacina de Astrazeneca leva a comezar a chamar a este sector de idade ao tempo que os maiores

O Servizo Galego de Saúde (Sergas) comezará a convocar para a vindeira semana á poboación entre os 50 e os 55 anos, que recibirán a primeira dose de AstraZeneca. O feito de que esta vacina non estea recomendada en España para maiores de 55 anos está a revolucionar algúns dos criterios iniciais que se tiñan para as campañas de vacinación, xa que por riba de esta idade só poden recibir polo de agora as de Moderna e de Pfizer, as dúas baseadas na tecnoloxía de ARN Mensaxeiro.

Con esta situación, Galicia recibirá unha nova dotación de 30.000 novas doses da inxección de AstraZeneca para continuar a campaña, segundo comunicou a ministra de Sanidade, Carolina Darias, ao conselleiro Julio García Comesaña. E o Sergas decide empregalas chamando á vacinación ao sector de idade entre os 50 e 55 anos.

Publicidade

O presidente da Xunta, Alberto Núñez Feijóo, asegurou en rolda de prensa este xoves que se usarán “todas as vacinas dispoñibles”, tras lembrar que as doses de AstraZeneca recoméndanse para menores de 55 anos, polo que se “axilizará” a vacinación nesta franxa de idade da poboación xeral sen retardar os procesos de inmunización dos integrantes dos colectivos prioritarios.

Na comunidade galega administráronse 233.345 doses e hai case 60.000 cidadáns inmunizados, segundo salientou Feijóo, engadindo que 42.600 maiores de 80 anos (o que significa aproximadamente un 20% do colectivo), recibiron xa a primeira dose.

En canto ao proceso de vacinación do persoal docente menor de 55 anos, colectivo para o que se está administrando a inxección de AstraZeneca, o presidente autonómico dixo que se teñen vacinado 25.000 persoas e continuarase citando a profesores nas vindeiras semanas. Tamén se empezará con persoal non docente de institucións académicas públicas, concertadas e privadas. Os profesores e profesoras maiores de 55 anos terán que esperar a que estean dispoñibles vacinas como as de Pfizer ou Moderna, que están indicadas a partir desta idade.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Chegan as vacinas contra o melanoma: como funcionan?

As compañías Moderna e Merck xa comezaron os seus ensaios clínicos para desenvolver a terapia, que podería estar lista en 2025

Comesaña: "O Centro de Protonterapia tratará pacientes de cancro en 2025"

O conselleiro de Sanidade fala da situación da sanidade galega e dos novos proxectos de terapias oncolóxicas

Por que algúns pacientes teñen covid persistente e outros non? Este estudo dá na clave

Un equipo do Hospital Universitario de Zúrich busca mellorar a atención aos doentes con novas estratexias de tratamento

Ascenden a 57 os falecidos por gripe en Galicia

O último informe do Sergas confirma a tendencia á baixa da incidencia nas catro provincias