Chega a borrasca ‘Lola’ a Galicia tras percorrer 5.000 km polo Atlántico

O servizo meteorolóxico de Portugal asignou o novo nome da fronte máis forte do que levamos de primavera

A imaxe de Meteogalicia da fronte que se achegaba a Galicia este mércores.

Entra por Galicia unha das frontes máis fortes do que vai desta primavera. O servizo meteorolóxico de Portugal xa lle asignou nome entre os correspondentes a este ano. Falamos de ‘Lola‘, que chegará este venres despois de percorrer máis de cinco mil quilómetros polo océano Atlántico.

Os chuvascos dos últimos días chegaron da man de embolsamentos de aire frío en altura pequenos, con potencial para deixar tormentas intensas pero sempre de xeito puntual. Pero o Instituto Português do Mar e da Atmosfera foi o primeiro en dar nome á nova depresión atmosférica.

A nova borrasca chegará tras percorrer preto de 5.000 km sobre o Atlántico, de oeste a leste, un traxecto que está a achegar moita humidade á depresión. Isto será decisivo no carácter xeral das choivas desta fronte que varrerá Galicia ao comezo da fin de semana.

Durante o venres, a borrasca xa estará preto de Fisterra e unha fronte asociada deixará precipitacións moi fortes primeiro en Asturias e Castela e León, e a partir do mediodía tamén no resto do Cantábrico e gran parte da vertente atlántica.

A borrasca ‘Lola’, que xa foi cualificada como a máis profunda desta tranquila tempada primaveral, entrará pola Fronte Atlántica e, tras pasar polos Azores, entrará no país polo noroeste peninsular, podendo causar fortes chuvascos que se estenderán polo resto da península ibérica durante a semana.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.