Imaxe do radar de raios de MeteoGalicia pasadas as 20 horas do xoves.
Imaxe do radar de raios de MeteoGalicia pasadas as 20 horas do xoves.

Preto de 5.000 raios caen sobre Galicia en 24 horas

A ameaza da Dana (Depresión Illada en Niveis Altos) que se achegou a Galicia desde o martes acabou amosándose na tarde deste xoves na maior parte do país. Mentres que onte as treboadas, as chuvias fortes e os relampos se concentraron nas provincias de Lugo e Ourense, nas últimas horas xeralizouse a inestabilidade na costa atlántica.

Así, desde a tarde de onte, o radar de MeteoGalicia contabilizou preto de 5.000 lóstregos. Deles, máis de 3.000 concentráronse entre as 14 e as 18 horas do xoves, horario no que estaba activado o aviso amarelo. E só en dúas horas (entre as 14 e as 16) o radar rexistrou 2.000. A maioría caeron nas comarcas do Salnés, Pontevedra, Ordes e Santiago e no sur da provincia de Lugo.

As precipitacións foron do mesmo xeito abondosas en varios puntos do país. O valor máximo marcouse en Lalín, onde a estación de MeteoGalicia rexistrou 40 litros por metro cadrado no acumulado diario. Tamén superaron os 15 l/men Caldas de Reis (25,9), Serra do Faro (17,9), e Amiudal (Avión) e Lira, con 15,8. Os chubascos e a saraibada que ocasionou este fenómeno atmosférico causaron tamén serios problemas en Chantada, onde se anegou o centro da localidade e varias explotacións vitícolas sufriron danos.

O paso da tormenta

Este fenómeno tormentoso, coñecido como Dana, prodúcese candoun  chorro de aire moi frío entra en contacto co aire cálido da superficie, debido ás altas temperaturas, como aconteceu estos días. Xérase entón unha situación de inestabilidade que provoca tormentas intensas. Ás veces, este tipo de situacións poden prolongarse durante varios días. Hai agora un ano, o 26 de maio de 2017, un fenómeno semellantes provocou que fose o día no que máis raios se rexistraron desde que se puxo en marcha a rede de control de raios de MeteoGalicia: 9.562.

O paso da treboada puido percibirse con claridade desde as cámaras instaladas por MeteoGalicia. Así se viu desde a estación de San Lázaro, en Santiago de Compostela.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.