Únete á nosa canle de Whatsapp
Unha reportaxe de Íñigo Rolán Taboada / Estudante de Xornalismo da USC
Alejandro Lamas Pérez e Jacobo Gómez González son dous estudantes de doutorado no CiQUS (Centro de Investigación en Química Biolóxica e Materiais Moleculares) de Santiago, e ademais, son compañeiros de vestiario nun equipo de Terceira Rexional. A tese do primeiro consiste na síntese de péptidos cíclicos e actualmente está empregando aminoácidos non naturais para modificar as propiedades internas, mentres que segundo está traballando na obtención de proteínas artificiais para o recoñecemento de estruturas concretas de ADN. Nesta reportaxe, os doutorandos explícannos con máis detalle en que consiste o seu traballo e que experimentos realizan para conseguir os resultados que buscan.
Tamén contamos coa participación dos profesores Juan Granja Guillán e Miguel Vázquez López, directores da tese de Alejandro e Jacobo respectivamente, que opinan sobre como traballan os alumnos que teñen baixo a súa coordinación.
Para coñecer como son estes doutorandos xogando ao fútbol, falamos con Miguel Ruiz de Cortázar, “Maiki”, adestrador do Racing San Lorenzo, equipo de Terceira Rexional onde xogan os dous.
