Venres 29 Marzo 2024

A Axencia Espacial Galega lanzará o 5 de maio unha sonda desde Ordes

Un proxecto espacial está en marcha en tres institutos galegos. Segundo informa o xornal Praza Pública, a Nosa, a Axencia Espacial Escolar Galega, lanzará o 5 de maio desde Ordes a súa segunda sonda espacial. O ano pasado, tamén en maio, estudantes de 3º de ESO do IES Maruxa Mallo de Ordes levaron ata a estratosfera o MarumaSat. A sonda, propulsada por un globo de helio, tocou de novo terra no municipio da Estrada tras elevarse ata os 22 quilómetros de altura. Con esta cápsula recolleron datos atmosféricos e, como homenaxe a Manuel María, a sonda levou consigo unha fotografía do poeta chairego ata os ceos galegos.

O pasado mes de xaneiro, constituíse, tamén en Ordes, a Nosa, á que se sumaron os institutos Miraflores de Oleiros e Marcos do Camballón de Vila de Cruces. Baixo o lema “Cos pés no chan e os ollos nas estrelas”, puxeron en marcha un ambicioso proxecto dividido en varias comisións (comunicación, meteoroloxía, científica, económica, de deseño e audiovisual) que o vindeiro venres culminará co lanzamento desta segunda cápsula.

Publicidade

A través do blog MarumaSat, os membros da Nosa van dando conta dos seus avances na investigación. Toda unha combinación de aprendizaxe, ilusión e creatividade coa que é posible chegar ao ceo.

1 comentario

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

PÓDCAST | A intelixencia artificial, o gran desafío do eido educativo

O investigador da UDC Francisco Bellas analiza no sexto episodio de O Descodificador o impacto do cambio tecnolóxico na educación

O proxecto MEDRA fomenta a investigación en física de partículas entre o alumnado de bacharelato

O IGFAE acolleu a presentación dos traballos realizados por decenas de estudantes na súa primeira experiencia investigadora

De quen son os recursos naturais do espazo?

Na actualidade están a producirse desenvolvementos xurídicios a nivel nacional e internacional que parecen contradicir os principios do Dereito do Espazo

O impacto da intelixencia artificial na educación sexual

Por María José Figueiredo e Daniel González Peña, da UVigo, e Ricardo Fandiño Pascual, da USC