Xoves 28 Marzo 2024

Pint of Science: galería dun éxito

O festival Pint of Science foi todo un éxito, con grandes investigadores galegos achegando a ciencia a todos os públicos, con centos de persoas abarrotando a Nave de Vidán, en Compostela, para cada unha das tres sesións. A idea do festival naceu duns investigadores do Imperial College de Londres e estendeuse polo mundo. Este ano, chegou a Galicia co obxectivo de ofrecer charlas interesantes, divertidas, sobre as últimas investigacións científicas, nun formato accesible ao público. E todo iso nun bar. O resultado foi espectacular.
O luns 18 de maio, baixo o título ‘Somos os nosos xenes’ participaron Manuel Collado (Investigador no Instituto de Investigación Sanitaria de Santiago), Ángel Carracedo (Profesor da USC, director do Grupo de Medicina Xenómica) e Gonzalo Álvarez (Doutor en Ciencias Biolóxicas e Catedrático de Xenética na Universidade de Santiago de Compostela).
O martes 19, titulado ‘Dos átomos ás galaxias‘, estiveron Enrique Zas (Catedrático de Física Teórica. Director do grupo de Astrofísica de partículas da USC), Jorge Mira (Catedrático da área de Electromagnetismo da USC) e José Edelstein (do Departamento de Física de Partículas da USC).
E, o mércores 20, ‘Mente marabillosa’ contou con Castro Rivadulla (Profesor titular e investigador do Grupo NEUROCOM, da Universidade da Coruña), Xurxo Mariño (do Grupo de Neurociencia e Control Motor da Universidade dá Coruña) e Julio González (Departamento de Estatística e Investigación Operativa. Facultade de Matemáticas. USC). Ademais, os magos Óscar & Miguel puxeron a parte lúdica, e tamén didáctica e científica, á xornada.
Velaiquí tedes unha galería de imaxes do que foi todo un éxito: o primeiro Pint of Science, en Galicia.
[wzslider info=”true”]

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.