Xoves 28 Marzo 2024

Oleiros acolle cursos pioneiros en Europa sobre secuenciación masiva e bioinformática

A empresa AllGenetics ofrecerá durante 2019 formación especializada para investigadores sobre as técnicas punteiras no mercado

A aparición das técnicas de secuenciación masiva de ácidos nucleicos mudou totalmente nas últimas décadas a investigación xenómica. E o abaratamento dos custos destes traballos abre un novo e importante reto para centros de investigación e empresas biotecnolóxicas. En Galicia, a empresa coruñesa AllGenetics, pioneira no seu sector, leva desde 2011 participando en proxectos con centros de toda Europa. E ante o aumento da demanda de formación nestas técnicas, así como en bioinformática, AllGenetics acaba de dar un novo gran paso.

Desde marzo e ata decembro deste 2019, a empresa organiza en Oleiros (Camping Los Manzanos) unha serie de cursos nos que se agarda a asistencia de máis de 200 investigadores. “Ata onde sabemos, só existen en Europa outras dúas empresas de bioinformática que leven a cabo este tipo de formación especializada, e AllGenetics é a primeira en ofrecer esta formación en español”, explica Joaquín Vierna, director xeral da compañía.

Publicidade

Vierna engade que, debido ao cambio constante de tecnoloxías e ferramentas de análise de datos que está a experimentar o sector, é necesaria a actualización constante e formación nesta materia. A formación que ofrecerá AllGenetics afondará nas tecnoloxías que actualmente lideran o mercado (Illumina, Oxford Nanopore e PacBio), así como nas ferramentas necesarias para analizar este tipo de datos xenómicos.

“Estamos apostando polas tecnoloxías de secuenciación de terceira xeración, como as plataformas de Oxford Nanopore, porque cremos que é importante situarnos na vangarda dos avances científicos neste campo. Neste senso estamos traballando na optimización de protocolos de laboratorio e bioinformática que estamos a incorporar aos nosos servizos. Debido a isto, os nosos cursos serán unha oportunidade para poder transmitir o noso know-how á comunidade científica”, explica Antón Vizcaíno, director de laboratorio.

Serán seis cursos, con varias edicións en español e inglés ao longo do ano, con máis de 200 horas de formación en total.

AllGenetics é unha empresa asociada á Universidade da Coruña ubicada no Centro de Investigacións Científicas Avanzadas (CICA). Nos últimos anos acadou importantes avances no seu sector, desenvolvendo sistemas pioneiros en Ecotoxicoloxía que a situaron como referencia internacional. En 2016 recibiu o premio Galicia Spin-off.

Toda a información sobre os cursos, na web de AllGenetics.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un traballo da UDC sobre investigación básica en epilepsia gaña o Epiforward 2024

O equipo conseguiu reducir a actividade cerebral grazas á aplicación de campos magnéticos en áreas concretas do cerebro

Científicos galegos participan no primeiro mapa español de bacterias resistentes aos antibióticos

A base de datos en liña proporciona o perfil xenómico de 461 cepas, procedentes de 41 hospitais situados en 13 rexións de España

As infeccións de transmisión sexual entre menores de 18 anos medran un 37% en España

O XIV Congreso Nacional GeSIDA celebrado na Coruña reúne a centos de expertos que debatirán sobre os avances e retos no ámbito do VIH

Os Museos Científicos Coruñeses programan do 11 ao 19 de novembro a Semana da Ciencia

Co obxectivo de atender a elevada demanda de visitas, este ano prolónganse durante dúas fins de semana as celebracións da Semana da Ciencia