Únete á nosa canle de Whatsapp
A estudante de doutorado do CiQUS Noelia Casanova foi recoñecida este luns co premio de investigación Lilly, que outorgan a Real Sociedade Española de Química (RSEQ) e a empresa farmacéutica Lilly. Estes galardóns, que recoñecen a excelencia investigadora nas áreas de Química Orgánica, Farmacéutica e Analítica, recaeron en catro dos últimos cinco anos en científicos do CiQUS.
É o segundo recoñecemento para Noelia Casanova en menos dun ano, xa que en xuño de 2016 foi premiada co Predoc-MestreLab ao mellor artigo científico publicado por un estudante de doutorado durante o ano 2015 por parte da Plataforma Tecnolóxica de Química Sostible SusChem España. Desenvolve o seu labor na área da catálise, en activación de enlaces C-H con catalizadores de Rh (III) e Pd (II).
