O ferrolán José Luis Comellas foi o autor da exitosa 'Guía do firmamento'.

Morre o astrónomo galego José Luis Comellas, descubridor de 20 estrelas

Nado en Ferrol en 1929, formose na Universidade de Santiago, foi catedrático de Historia na Universidade de Sevilla e autor de libros de grande éxito

O historiador e astrónomo ferrolán José Luis Comellas faleceu este venres, 23 de abril, na súa casa de Sevilla aos 93 anos. Autor de máis de corenta libros de historia, astronomía e música, algunhas das súas obras están consideradas clásicos do estudo en numerosas universidades.

Hai dous anos, con 90 xa cumpridos, publicou “Cen obras musicais” e preparaba outro volume sobre grandes exploradores como Marco Polo. Ademais, a súa “Guía do Firmamento” está considerado un libro de cabeceira para varias xeracións de astrónomos.

Profesor emérito de Historia Contemporánea da Universidade de Sevilla e doutor “honoris causa” pola Universidade arxentina de Mendoza, Comellas -nado en Ferrol en 1929- estudou Filosofía e Letras na Universidade de Santiago, onde obtivo o premio extraordinario fin de carreira.

Doutorouse en Historia pola Complutense de Madrid coa tese “Os primeiros pronunciamentos en España”, que lle valeu o Premio Nacional Menéndez Pelayo. En 1963 gañou a cátedra de Historia de España Moderna e Contemporánea da Universidade de Sevilla.

Aínda que viviu fóra de Galicia a meirande parte da súa vida, Comellas iniciou os estudos de bacharelato en 1940 no colexio Fundación Fernando Blanco, pasando en 1942 ao colexio Tirso de Molina de Ferrol. Posteriormente, estudou Filosofía e Letras na Universidade de Santiago, onde se licenciou en 1951.

Profesor emérito da Universidade de Sevilla, en 1967 publicou a súa ‘Historia de España moderna e contemporánea‘, un manual que alcanzou oito edicións. O centro da atención investigadora do autor é o século XIX, en especial cos seus estudos sobre a década moderada e Cánovas.

Da súa afección pola astronomía destaca o seu catálogo sobre estrelas dobres. Entre outras obras, publicou a primeira edición en español do Catálogo Messier. Comellas foi, ademais, descubridor de 20 novas estrelas dobres.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.