Xoves 28 Marzo 2024

Michael deixa fortes chuvias e vento no oeste de Galicia

O impacto do exfuracán Leslie, convertido xa en profunda borrasca, contra a península Ibérica provocou importantes danos no centro de Portugal. Centos de miles de persoas quedaron sen subministro eléctrico, sobre todo nos distritos de Leiria e Coimbra, con refachos que chegaron a superar os 15o quilómetros por hora. En Galicia deixouse sentir sobre todo no suroeste, con acumulados de chuvia durante o sábado que superaron os 30 litros por metro cadrado e refachos máximos de 117 km/h en Lardeira, 111 en Manzaneda e por riba dos 80 na Costa da Morte e O Morrazo, segundo recolleron as estacións de MeteoGalicia. E case sen tempo para facer balance, chegou Michael.

Esta borrasca foi, na súa orixe, un furacán que causou máis de 15 mortos en México e Florida, con ventos de ata 250 quilómetros por hora. Despois de cruzar o Atlántico, xa debilitado, Michael chegou na madrugada do luns a Galicia. MeteoGalicia mantén ata o mediodía deste luns un aviso amarelo no oeste da provincia da Coruña por precipitacións que poden acadar ata 40 litros por metro cadrado. Do mesmo xeito, hai aviso de nivel laranxa no mar por ondas de entre 5 e 6 metros, ata as 21 horas deste luns.

Publicidade

En menos de 10 horas, estacións como Muralla (Lousame), Cespón (Boiro) e Corrubedo (Ribeira) superaran xa os 20 l/m2. No tocante ao vento, nas estacións situadas en Oia, Lira, Camariñas e Cedeira houbo refachos por riba dos 90 quilómetros por hora.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.