Venres 29 Marzo 2024

Case 8.000 raios en 20 horas, a maioría deles sobre Lugo

Despois das altas temperaturas da pasada fin de semana, Galicia está a experimentar desde a tarde do martes un episodio de treboadas causada por unha Dana (acrónimo de Depresión Illada en Niveis Altos, en castelán). O aire cálido que ficaba dos días pasados deu paso a unha masa máis fría que xera unha gran inestabilidade atmosférica, traducida en treboadas moi intensas. Así, na montaña de Lugo e Ourense, está activado este mércores o aviso amarelo por estas tormentas, que poderían deixar ata 15 litros por metro cadrado nunha soa hora.

Durante o martes, a Dana descargou con forza na zona sur da costa galega. Así, as estacións de MeteoGalicia rexistraron un acumulado diario de 13,6 l/m2 en Oia e 16,4 en Vigo. Xa durante a madrugada do mércores, o episodio volveuse máis intenso no norte da provincia de Lugo. En menos de 12 horas, caeron 27,3 litros por metro cadrado en Pol, 26,2 na Pontenova, 21,8 en Lourenzá e 15,3 en Burela.

Publicidade

As treboadas tamén deixaron importantes rexistros de raios na provincia de Lugo. Desde as 14 horas do martes, o radar de MeteoGalicia detectou máis de 7.600 raios na zona que cobre, que tamén abrangue a costa galega, o norte de Portugal e o oeste de Asturias, Zamora e León. Deles, 3.000 caeron sobre territorio galego, cunha especial incidencia na provincia lucense, onde se rexistraron máis de 2.000.

Segundo recolleu Europa Press, os lóstregos e as choivas produciron incendios e incidencias no alumeado público e nos semáforos.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A borrasca Nelson activa a alerta en Galicia por chuvias, vento e temporal marítimo

A Semana Santa comeza con aviso laranxa por ondas de 7 metros en todo o litoral e amarelo por acumulación de chuvia de ata 40l/m2 en tan só 12 horas

Un río atmosférico empapa Semana Santa: Galicia poderá superar os 100 l/m² 

A situación de inestabilidade continuará durante a fin de semana, cando podería producirse unha cicloxénese explosiva no oeste da península

Unha DANA trae aire africano a Galicia e dificulta a predición para Semana Santa

Esta fin de semana agárdase tempo seco na comunidade pero a partir do luns aumentan as probabilidades de chuvia

A primavera comeza este mércores despois do cuarto inverno máis chuvioso do século XXI

Neste mes será posible observar con prismáticos o cometa 12P/Pons-Brooks, segundo o coordinador de investigación do Observatorio Astronómico da USC, José Ángel Docobo