Venres 29 Marzo 2024

Cancelan a charla de Josep Pàmies en Vigo

O Colegio Hogar de Vigo, que o vindeiro 9 de marzo ía acoller unha charla do naturópata Josep Pàmies, anunciou esta tarde a cancelación da charla. Pàmies é coñecido polas súas polémicas afirmacións, negacionistas coa sida, e que defende as terapias naturais contra o cancro, poñendo en dúbida a eficacia de tratamentos como a quimioterapia. Na mañá do xoves, a cadena de hoteles Attica21, que ía acoller a actividade do naturópata no seu establecemento da Coruña, tamén cancelou a cesión das súas instalacións.

Aínda que desde o Colegio Hogar como desde Afundación, entidade dependente de Abanca que xestiona o centro educativo, xa confirmaron a cancelación da actividade, non explicaron aínda os motivos da suspensión do acto.

Publicidade

Josep Pàmies, que se define como un simple agricultor, promove a Revolución Doce, un movemento que avoga por deixar de lado as aportacións da investigación médica e científica e facer un maior uso das plantas medicinais, que el mesmo cultiva e vende. Factura millóns de euros e ten milleiros de seguidores.

Pàmies ten prevista outra charla na Coruña o día 8 de marzo

Nos últimos anos, Pàmies viuse envolto en numerosas situacións polémicas e problemas coa xustiza debido ás súas afirmacións. A última delas foi un congreso celebrado en Barcelona a comezos deste ano, e que baixo o título “Un mundo sen cancro. O que o teu médico non che está contando” promocionou terapias alternativas contra o cancro. O naturópata tamén tivo que comparecer ante a xustiza en dúas ocasións ao se lle imputar delictos contra a saúde pública, xa que se lle incautaron máis de 500 plantas de cánabo.

O ano pasado, Pàmies visitou A Coruña noutra charla que tampouco estivo exenta de polémica. A asociación Hortas do Val de Feáns, a mesma que organiza a actividade do vindeiro 8 de marzo, solicitou ao Concello da Coruña e á Universidade a cesión do Centro Cívico dos Mallos e o Paraninfo, respectivamente, para a celebración da charla. Unha vez coñecedores da traxectoria de Pàmies, as dúas institucións denegaron os espazos á asociación.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

“Con suficiente investigación, a maioría dos cancros poderanse tratar na década de 2040”

Jesús Sánchez, responsable de proxectos na Fundación CRIS, asegura que as terapias CAR-T foron unha revolución no tratamento dos tumores do sangue

Un traballo da UDC sobre investigación básica en epilepsia gaña o Epiforward 2024

O equipo conseguiu reducir a actividade cerebral grazas á aplicación de campos magnéticos en áreas concretas do cerebro

O disruptores endócrinos poden aumentar o risco de cancro de endometrio

Observada unha asociación entre as mesturas de contaminantes ambientais e a maior probabilidade de desenvolver este tumor

Galicia rexistra 16.000 novos casos de cancro e 8.000 mortes cada ano

A Fundación CRIS reúnese con Sanidade para solicitar unha maior cobertura aos pacientes oncolóxicos que requiren de medicamentos CAR-T