Xoves 28 Marzo 2024

Galicia, máis vella ca nunca

O Instituto Galego de Estadística (IGE) publicou o pasado venres os datos de indicadores demográficos referentes ao ano 2016. Nel queda reflectido que o índice de envellecemento en Galicia alcanzou, de novo, o seu teito histórico. É unha tendencia que se repite desde o ano 1975, o primeiro no que se rexistran datos do IGE. Naquel momento, había case 38 maiores de 65 anos por cada 100 mozos e mozas menores de 20. Despois de catro decenios de crecemento constante, no 2016, xa había 153,69 persoas maiores de 65 anos por cada 100 menores de 20. Galicia é, por tanto, máis vella ca nunca.

O índice de envellecemento (a variable que mide este aspecto) é sensiblemente maior nas mulleres que nos homes. Mentres que por cada 100 mozos hai máis de 126 homes que superan os 65 anos, no caso das mulleres este índice aumenta ata as case 183 mulleres por riba da idade de xubilación.

Publicidade

Parada de Sil, o máis envellecido; Ames, o máis novo

Ao observar os datos a nivel municipal, Parada de Sil (Ourense) é o concello co maior índice de envellecemento (1308,09). Só hai 22 persoas censadas menores de 20 anos. Ségueno na lista Lobeira (1.282,2) e Avión (1209,66), os dous tamén na provincia de Ourense. No outro extremo está o concello de Ames, na área metropolitana de Santiago, con só 50,08 maiores de 65 anos por cada 100 mozos e mozas menores de 20. Os outros concellos máis “mozos” de Galicia son Salceda de Caselas (Pontevedra) (67,55) e Oroso, tamén nos arredores de Santiago, con 72,19.

O estudo sobre indicadores demográficos tamén recolle outras cifras interesantes, como os índices de fecundidade, mortalidade e nupcialidade, que se poden consultar ao completo na páxina do Instituto Galego de Estatística.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.