Únete á nosa canle de Whatsapp
O ciclo de entrevistas #conversasCINBIO, organizado por GCiencia e o Centro de Investigacións Biomédicas da Universidade de Vigo, péchase este martes 29 de xuño ás 20 horas co encontro con Isabel Pastoriza, líder do grupo de Investigación en NanoBioMateriais Funcionais (FunNanoBio), da área de Nanomateriais do CINBIO. A entrevista poderá seguirse en directo nas redes de GCiencia e CINBIO e en gciencia.gal.
Isabel Pastoriza Santos (Bueu, 1974), é Doutora en Química pola Universidade de Vigo (2001). Na actualidade é Profesora titular no Departamento de Química Física e investigadora do CINBIO. Desde o 2012, coordina e lidera o grupo FunNanoBio. A súa investigación céntrase na síntese, ensamblado e modificación superficial de nanopartículas con propiedades singulares, así como no desenvolvemento de materiais nanoestruturados (multi) funcionais e ferramentas conaplicación en nanoplasmónica, (bio)detección, catálise e biomedicina. Na súa traxectoria recibiu importantes recoñecementos como En 2011 foi galardoada co premio L’Oreal-Unesco “Polas Mulleres na Ciencia”, e recentemente acadou o Premio á Excelencia Investigadora 2021 que outorga a Real Sociedad Española de Química.
Gracias!