Imaxe nocturna do planeta. Fonte. NASA.
Imaxe nocturna do planeta. Fonte. NASA.

Test: está o mundo mellor ou peor do que pensas?

De primeiras, se nos preguntan, e vendo o panorama de xenreira e crispación que aparece por moitos recunchos do debate público, moita xente podería responder que hoxe o mundo é un lugar peor ca hai uns anos. É certo, ou gústanos glorificar o pasado? Morre hoxe máis xente por fame, por guerras e por enfermidades da que morría hai 10, 20 ou 30 anos? Contra o pesimismo ás veces xustificado do ser humano, e a partir da experiencia acumulada como profesor de Medicina e divulgador por todo o mundo, o investigador sueco Hans Rosling dedicou parte da súa carreira a poñer de manifesto a cara amable do progreso humano, conseguida grazas ao labor de xeracións enteiras de investigadores e profesionais de moi diversos eidos que buscaban un futuro mellor para o ser humano.

Rosling morreu en 2017 debido a un cancro de páncreas. Meses despois viu a luz Factfulness, un libro asinado xunto ao seu fillo Ola e a súa nora Anna, no que recolle todo o aprendido durante a súa traxectoria. Na obra expóñense cheas de datos sobre a situación real do planeta e os seus cidadáns, e desmóntanse sesgos, mitos e crenzas moi estendidas na opinión pública. A obra colleu sona desde que Bill Gates, creador de Microsoft e impulsor dunha ONG que inviste milleiros de millóns de dólares en desenvolvemento, regalouna a todos os graduados das universidades estadounidenses no curso pasado.

Con todo, o traballo expón que hai moito por facer. Segue habendo guerras, o cambio climático e a contaminación son problemas preocupantes. Mais, con todas as imperfeccións – adoitaba dicir Rosling – “o mundo está moito mellor do que pensamos“.

Factfulness comeza cun test de 13 preguntas con 3 opcións que poñen a proba ao lector. E a porcentaxe de erros que adoitan cometerse é esaxeradamente grande. Non é cuestión de formación, orixe, nivel de ingresos ou calquera outra variable: o gran número de erros apenas varía do profesorado de prestixiosas universidades ao alumnado dunha aula de primaria. Como anécdota, os autores de Factfulness expoñen que, na maioría das cuestións, os chimpancés teñen unha porcentaxe maior de acertos: respondendo ao azar, adoitan aceptar un 33% das veces. Pero en moitas delas, os humanos quedan moi por debaixo. Tan importante é o valor dos nosos sesgos e prexuízos.

E ti, queres ver canto sabes? Compróbao aquí: 

Cantas nenas terminan o ensino primario nos países con ingresos baixos?

Onde vive a maioría da poboación do mundo?

Nos últimos 20 anos, a proporción da poboación mundial vivindo na extrema pobreza...

Cal é a esperanza de vida media no mundo?

Hai 2.000 millóns de nenos no mundo (entre 0 e 15 anos). Cantos haberá, segundo a ONU, en 2100?

A ONU predí que a poboación mundial vaise incrementar en 4.000 millóns de persoas en 2100. Cal vai ser a razón principal?

Como evolucionou o número de mortes causadas por desastres naturais nos últimos cen anos?

Hai arredor de 7.000 millóns de persoas no planeta. Que mapa cadra mellor coa súa distribución?

Hoxe en día, un home de 30 anos pasou, segundo a media mundial, 10 anos na escola. Cantos anos pasou, de media, unha muller da mesma idade?

En 1996, os tigres, os pandas xigantes e os rinocerontes negros estaban en perigo de extinción. Cal delas está , hoxe en día, nun perigo maior ca entón?

Que porcentaxe da poboación mundial ten acceso á enerxía eléctrica?

Os expertos do cambio global cren que, nos vindeiros 100 anos, a temperatura media...

Que porcentaxe de nenos menores de 1 ano están vacinados contra algunha doenza?

1 comentario

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.